(vovworld) - ວັນທີ 23/8, ຫົວໜ້າຫ້ອງວ່າການລັດຖະບານຍີ່ປຸ່ນທ່ານ Osamu Fujimura ໄດ້ຖະແຫຼງວ່າ ເລື່ອງລັດຖະບານ ສເກົາຫຼີ ຕົກລົງມອບຄືນໃຫ້ຍີ່ປຸ່ນຈົດໝາຍຂອງທ່ານນາຍົກລັດຖະມົນຕີຍີ່ປຸ່ນ Yoshiko Noda ທີ່ມອບໃຫ້ປະທານາທິບໍດີ ສເກົາຫຼີ Lee Myung Bak ນັ້ນແມ່ນ “ແມ່ນສິ່ງບໍ່ເຄີຍມີມາກ່ອນໃນພິທີການທູດ“. ຄຳຖະແຫຼງດັ່ງກ່າວຖືກຍົກອອກມາ ພາຍຫຼັງທີ່ກະຊວງການຕ່າງປະເທດ ສເກົາຫຼີ ໃຫ້ຮູ້ວ່າ ເຊີອູນ ມອບຄືນໃຫ້ໂຕກຽວ ຈົດໝາຍຂອງທ່ານ Noda ດ້ວຍເນື້ອໃນສະແດງຄວາມເສຍດາຍຕໍ່ການຢ້ຽມຢາມເມື່ອວັນທີ 10/8 ຂອງທ່ານ Lee Myung Bak ເຖິງໝູ່ເກາະທີ່ມີການພິພາດກັນຢູ່ທະເລ ເຊິ່ງ ສເກົາຫຼີ ເອີ້ນວ່າ Dordo ແລະ ຍີ່ປຸ່ນ ເອີ້ນວ່າ Takeshima, ກໍ່ຄືບັນດາຄວາມເຫັນຂອງການນຳເຊີອູນ ທີ່ກ່ຽວຂ້ອງເຖິງ ພະເຈົ້າຈັກກະພັດ Akihito. ສ່ວນໂຄສົກກະຊວງການຕ່າງປະເທດ ສເກົາຫຼີ Tai Young ຖະແຫຼງວ່າເລື່ອງ ເຊອູນ ມອບຄືນໃຫ້ໂຕກຽວ ຈົດໝາຍຂອງທ່ານນາຍົກລັດຖະມົນຕີຍີ່ປຸ່ນນັ້ນແມ່ນວຽກງານທຳມະດາ. ຄຳຖະແຫຼງຂອງການນຳເຊີອູນ ທີ່ຍົກອອກມາໃນສັບປະດາກ່ອນ ໄດ້ເຮັດໃຫ້ການພົວພັນລະຫວ່າງສອງປະເທດຮ້າຍແຮງຍິ່ງຂຶ້ນ