ການພົວພັນແບບເປີດອົກເປີດໃຈລະຫວ່າງລັດເຊຍແລະເອີລົບຕາເວັນຕົກ ຊ່ວຍປັບປຸງຄວາມໝັ້ນຄົງຢູ່ເອີລົບ
ທ່ານ Valery Gerasimov ເສນາທິການໃຫຍ່
ບັນດາກຳລັງປະກອບອາວຸດ ລັດເຊຍ
(ພາບອິນເຕີແນັດ)
(vovworld) - ວັນທີ 26/04 ກ່າວຄຳເຫັນທີ່ກອງປະຊຸມກ່ຽວກັບຄວາມໝັ້ນຄົງສາກົນຄັ້ງທີ 6 ຢູ່ ມົດສະກູ ດ້ວຍຫົວຂໍ້ວ່າ “ຄວາມໝັ້ນຄົງຢູ່ ເອີລົບ: ແງ່ຫວັງ ແລະ ທ່າອ່ຽງ”, ທ່ານ Valery Gerasimov ເສນາທິການໃຫຍ່ບັນດາກຳລັງປະກອບອາວຸດ ລັດເຊຍ ຖືວ່າ: ການພົວພັນແບບເປີດອົກເປີດໃຈ ແລະ ຕ່າງຝ່າຍຕ່າງມີຜົນປະໂຫຍດລະຫວ່າງ ລັດເຊຍ ແລະ ຝ່າຍຕາເວັນຕົກ ແມ່ນຊ່ວຍປັບປຸງຄວາມໝັ້ນຄົງຢູ່ ເອີລົບ. ທ່ານ Gerasimov ເນັ້ນໜັກວ່າ ຝ່າຍຕາເວັນຕົກ ແລະ ລັດເຊຍ ເລີ່ມເຂົ້າໃຈບັນດາຜົນປະໂຫຍດ ແລະ ຄວາມວິຕົກກັງວົນຂອງກັນ. 2 ຝ່າຍພວມສ້າງຕັ້ງຊ່ອງເຈລະຈາ, ຄວາມໄວ້ເນື້ອເຊື່ອໃຈຄ່ອຍໆໄດ້ຮັບການປັບປຸງ, ການພົວພັນແບບເປີດອົກເປີດໃຈ ແລະ ຕ່າງຝ່າຍຕ່າງມີຜົນປະໂຫຍດພວມກ້າວເຂົ້າສູ່ຂອບເຂດ. ບັນດານັກການເມືອງເອີລົບໄດ້ປະລະການຈັດວາງບັນດາເງື່ອນໄຂຂອງຕົນ ໃນການສ້າງສາຍພົວພັນກັບ ລັດເຊຍ.