ທ່ານ ຫງວຽນດຶກຈູງ, ປະທານຄະນະກຳ
ມະການປະຊາຊົນນະຄອນ ຮ່າໂນ້ຍ
(ພາບອິນເຕີແນັດ)(vovworld) - ຕອນເຊົ້າວັນທີ 10/3, ຢູ່ ຮ່າໂນ້ຍ, ຄະນະກຳມະການປະຊາຊົນນະຄອນ ຮ່າໂນ້ຍ ແລະ ຫ້ອງການການຄ້າ ອຸດສາຫະກຳ ຫວຽດນາມ (VCCI) ໄດ້ຈັດຕັ້ງ “ການສຳມະນາຮ່ວມມືສົ່ງເສີມການລົງທຶນ, ການທ່ອງທ່ຽວລະຫວ່າງ ຮ່າໂນ້ຍ - ຍີ່ປຸ່ນ“. ນີ້ແມ່ນໂອກາດເພື່ອຊອກຫາບັນດານັກລົງທຶນທີ່ມີປະສົບການ ແລະ ຄວາມສາມາດເພື່ອລົງທຶນເຂົ້າໂຄງການຕ່າງໆຢູ່ ຮ່າໂນ້ຍ, ປັບປຸງພື້ນຖານໂຄງລ່າງຕົວເມືອງຢູ່ ຮ່າໂນ້ຍ, ຊຸກຍູ້ການພັດທະນາເສດຖະກິດ - ສັງຄົມຂອງນະຄອນຫຼວງ. ກ່າວຄວາມເຫັນທີ່ການສຳມະນາ, ທ່ານ ຫງວຽນດຶກຈູງ, ປະທານຄະນະກຳມະການປະຊາຊົນນະຄອນ ຮ່າໂນ້ຍ ຢືນຢັນວ່າ:
“ໂດຍຮັບຮູ້ໄດ້ທ່າແຮງຂອງຍີ່ປຸ່ນ, ເຊິ່ງແມ່ນປະເທດທີ່ມີພື້ນຖານເສດຖະກິດແຖວໜ້າໂລກ, ດ້ວຍວິທະຍາສາດ, ເຕັກນິກທີ່ກ້າວໜ້າ, ທັນສະໄໝ, ພວກຂ້າພະເຈົ້າຢາກຮຽກຮ້ອງ, ດຶງດູດການລົງທຶນຈາກພວກເພື່ອນເຂົ້າບັນດາຂົງເຂດ: ກະສິກຳເຕັກໂນໂລຢີສູງ; ທາງລົດໄຟໃນຕົວເມືອງ, ອຸດສາຫະກຳໜູນຊ່ວຍ; ການພັດທະນາແຫຼ່ງຊັບພະຍາກອນມະນຸດ; ຂົງເຂດການທ່ອງທ່ຽວ; ການບໍລິການການແພດຄຸນນະພາບສູງ, ຂົງເຂດການຄ້າ…“
ໃນຂອບເຂດການສຳມະນາ ໄດ້ດຳເນີນພິທີລົງນາມໃນບົດບັນທຶກຊ່ວຍຈຳການຮ່ວມມືລະຫວ່າງຜູ້ຕາງໜ້ານະຄອນ ຮ່າໂນ້ຍ ກັບບັນດານັກລົງທຶນ, ວິສາຫະກິດ ຍີ່ປຸ່ນທີ່ກ່ຽວຂ້ອງເຖິງ: ການລົງທຶນໂຄງການສູນການຄ້າໃນນະຄອນ ຮ່າໂນ້ຍ; ການພັດທະນາການທ່ອງທ່ຽວ.