ການຮ່ວມມືພັດທະນາຫວຽດນາມ-ອິນເດຍໃນຂົງເຂດວັດທະນະທຳ,ສັງຄົມ,ການສຶກສາບຳລຸງສ້າງ
(ການຮ່ວມມືພັດທະນາຫວຽດນາມ-ອິນເດຍ
ໃນຂົງເຂດວັດທະນະທຳ, ສັງຄົມ, ການສຶກສາບຳລຸງສ້າງ)
(vovworld) - ຕອນເຊົ້າວັນທີ 30/06, ຢູ່ຮ່າໂນ້ຍ, ສະຖາບັນການເມືອງແຫ່ງຊາດໂຮ່ຈິມິນ ໄດ້ຈັດກອງປະຊຸມສຳມະນາ “ຮ່ວມມືພັດທະນາລະຫວ່າງຫວຽດນາມ - ອິນເດຍ ໃນຂົງເຂດວັດທະນະທຳ, ສັງຄົມ, ການສຶກສາບຳລຸງສ້າງ”. ກ່າວຄຳເຫັນທີ່ກອງປະຊຸມສຳມະນາ, ສາດສະດາຈານ, ດ.ຣ ຕ້າຫງອກເຕີນ, ຫົວໜ້າສະຖາບັນການເມືອງແຫ່ງຊາດ ໂຮ່ຈິມິນ ຊີ້ແຈ້ງວ່າ: ການພົວພັນມິດຕະພາບລະຫວ່າງຫວຽດນາມ - ອິນເດຍ ແມ່ນການພົວພັນແບບພິເສດ, ມີມູນເຊື້ອມາແຕ່ດົນນານແລ້ວ. ການພົວພັນຮ່ວມມືພັດທະນາລະຫວ່າງ 2 ປະເທດໃນໄລຍະມໍ່ໆມານີ້ໄດ້ສະແດງອອກຜ່ານ 5 ເສົາຄ້ຳ: ເສດຖະກິດ, ການເມືອງ; ວັດທະນະທຳ - ການສຶກສາ; ວິທະຍາສາດ, ເຕັກນິກ; ພະລັງງານ ແລະ ການປ້ອງກັນຊາດປ້ອງກັນຄວາມສະຫງົບ. ບັນດາການນຳຫວຽດນາມ - ອິນເດຍ ລ້ວນແຕ່ຢືນຢັນຄວາມສະເໝີຕົ້ນສະໝີປາຍໃນການສະໜັບສະໜູນການພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດຂອງ 2 ປະເທດ; ຖືຫວຽດນາມ ແມ່ນເສົາຄ້ຳໃນນະໂຍບາຍມຸ່ງໄປສູ່ທິດຕາເວັນອອກ ແລະ ການກະທຳມຸ່ງໄປສູ່ທິດຕາເວັນອອກຂອງອິນເດຍ. ທີ່ກອງປະຊຸມສຳມະນາ, ບັນດາຜູ້ແທນໄດ້ປຶກສາຫາລືບັນດາເງື່ອນໄຂ, ກຳລັງໜູນ, ບັນດາມາດຕະການຊຸກຍູ້ການຮ່ວມມືພັດທະນາລະຫວ່າງຫວຽດນາມ - ອິນເດຍ ໃນທຸກຂົງເຂດການເມືອງ, ວັດທະນະທຳ, ສັງຄົມ…. ບົນພື້ນຖານນັ້ນ, ບັນດາຜູ້ແທນສະເໜີມາດຕະການແກ້ໄຂ ເພື່ອປະກອບສ່ວນຊຸກຍູ້ການຮ່ວມມືພັດທະນາລະຫວ່າງຫວຽດນາມ - ອິນເດຍ ໃນຂົງເຂດວັດທະນະທຳ, ສັງຄົມ, ການສຶກສາບຳລຸງສ້າງ ເພື່ອພັດທະນາໃຫ້ຂຶ້ນສູ່ລະດັບສູງໃໝ່.