(vovworld) - ໃນຂອບເຂດໂຄງການຮ່ວມມືມິດຕະພາບລະຫວ່າງຫວຽດນາມ - ສ.ເກົາຫຼີ ເຊິ່ງຖືກດຳເນີນໄປແຕ່ວັນທີ 02 – 04/12, ຄະນະກຳມະການປະຊາຊົນແຂວງ ກວາງຈິ້ ໄດ້ສົມທົບກັບສະຖານທູດສ.ເກົາຫຼີ ປະຈຳຫວຽດນາມ ແລະ ອົງການຮ່ວມມືສາກົນສ.ເກົາຫຼີ (KOICA) ຈັດຕັ້ງບັນດາເຫດການຄື: ພິທີປະກາດ ແລະ ລົງນາມໃນບົດບັນທຶກຊ່ວຍຈຳປະຕິບັດ “ລາຍການຄວາມຜາສຸກ” ຢູ່ແຂວງກວາງຈິ້; ເປີດສະຫຼອງໂຄງການຍົກສູງໂຮງຮຽນອາຊີວະຊັ້ນກາງກວາງຈິ້ (ໂດຍລັດຖະບານສ.ເກົາຫີຼີ ຊ່ວຍເຫຼືອລ້າ ທີ່ມີມູນຄ່າ 4,7 ລ້ານ USD) ແລະ ເລີ່ມລົງມືກໍ່ສ້າງໂຄງການໜູນຊ່ວຍການແກ້ໄຂຜົນຮ້າຍຈາກພະຍຸ, ນ້ຳຖ້ວມ. ກ່າວຄຳເຫັນຢູ່ທີ່ນີ້, ທ່ານຮອງລັດຖະມົນຕີການຕ່າງປະເທດຫວຽດນາມ ໂຮ່ຊວນເຊີນ ຕີລາຄາສູງການໜູນຊ່ວຍອັນແທດຈິງ, ມີປະສິດທິຜົນຂອງສ.ເກົາຫຼີ ສຳລັບແຂວງກວາງຈິ້ ແລະ ເນັ້ນໜັກວ່າ ໂຄງການດັ່ງກ່າວແມ່ນໂຄງການທີ່ເຂັ້ມຂົ້ນໄປດ້ວຍລັກສະນະມະນຸດສະທຳ, ແມ່ນການສະແດງໃຫ້ເຫັນຄວາມສາມັກຄີ ແລະ ການຮ່ວມມືອັນດີງາມລະຫວ່າງ 2 ປະເທດ. ທ່ານຮອງລັດຖະມົນຕີການຕ່າງປະເທດ ກໍ່ສະເໜີໃຫ້ຝ່າຍສ.ເກົາຫຼີ ສືບຕໍ່ເອົາໃຈໃສ່, ເປີດກວ້າງບັນດາໂຄງການຊ່ວຍເຫຼືອຫວຽດນາມ ຊຸກຍູ້ການຮ່ວມມືດ້ານເສດຖະກິດ, ການພົວພັນແລກປ່ຽນວັດທະນະທຳລະຫວ່າງສ.ເກົາຫຼີ ກັບບັນດາທ້ອງຖິ່ນຂອງຫວຽດນາມ.