ທ່ານນາງປະທານສະພາແຫ່ງຊາດ ຫງວຽນທິກິມເງິນ ແລະ ທ່ານຮອງປະທານສະພາແຫ່ງຊາດ ຮູງກາຣີ Jakab Istvan
|
(vovworld) – ໃນຂອບເຂດການຢ້ຽມຢາມຮຸງກາຣີຢ່າງເປັນທາງການ, ວັນທີ 10/4, ຢູ່ນະຄອນ Pudapest, ທ່ານທາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ມີການເຈລະຈາກັບທ່ານປະທານສະພາແຫ່ງຊາດ ຮຸງກາຣີ Laszlo Kover . ທ່ານທາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຢືນຢັນວ່າ ຫວຽດນາມສະໜັບສະໜູນຮຸງກາຣີອອກສະໝັກຮັບເລືອກຕັ້ງເປັນສະມາຊິກສະພາສິດທິມະນຸດ ສ.ປ.ຊ ອາຍຸການ 2017-2019. ສ່ວນ ທ່ານປະທານສະພາແຫ່ງຊາດ ຮຸງກາຣີ Laszlo Kover ເນັ້ນໜັກວ່າ ຮຸງກາຣີຖືຫວຽດນາມເປັນຄູ່ຮ່ວມມືຍຸດທະສາດໃນພາກພື້ນອາຊີຕາເວັນອອກສ່ຽງໃຕ້ນັບແຕ່ປີ 2010.
2 ຝ່າຍເປັນເອກະພາບກັນກ່ຽວກັບບັນດາແຜນການຮ່ວມມື 2 ຝ່າຍ, ໃນນັ້ນ ມີການເພີ່ມທະວີການແລກປ່ຽນເສດຖະກິດ, ການຄ້າ, ຈັດຕັ້ງງານຕະຫຼາດນັດ, ງານວາງສະແດງເພື່ອແນະນຳຜະລິດຕະພັນຂອງແຕ່ລະປະເທດ. 2 ຝ່າຍເຫັນດີໃນໄລຍະທີ່ຈະເຖິງ, ຈະເພີ່ມທະວີການແລກປ່ຽນຄະນະຜູ້ແທນຂັ້ນສູງສະພາແຫ່ງຊາດ, ບັນດາອົງການຂອງສະພາແຫ່ງຊາດ, ກຸ່ມສ.ສ.ຊ ມິດຕະພາບ…..
ພາຍຫຼັງການເຈລະຈາ, ທ່ານທາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ແລະ ທ່ານປະທານສະພາແຫ່ງຊາດ ຮຸງກາຣີ Laszlo Kover ໄດ້ມີການປະຊຸມນັກຂ່າວ ໂດຍແຈ້ງໃຫ້ຊາບຜົນຂອງການເຈລະຈາ.
ກ່ອນໜ້ານັ້ນໃນຕອນບ່າຍວັນທີ 9/4, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ພົບປະກັບພະນັກງານສະຖານທູດ ແລະ ປະຊາຄົມຊາວ ຫວຽດນາມ ອາໄສຢູ່ ຮູງກາຣີ. ທ່ານນາງປະທານສະພາແຫ່ງຊາດ ຫງວຽນທິກິມເງິນ ໃຫ້ຮູ້ວ່າ: ການຢ້ຽມຢາມ ຮູງກາຣີ ຄັ້ງນີ້ເພື່ອແນໃສ່ຊຸກຍູ້ ແລະ ເຮັດໃຫ້ການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານກັບ ຮູງກາຣີ ເວົ້າລວມ ແລະ ກັບສະພາແຫ່ງຊາດ ຮູງກາຣີ ເວົ້າສະເພາະ; ກໍ່ຄືແງ່ຫວັງການຮ່ວມມືໃໝ່ໃນການພົວພັນ 2 ຝ່າຍ ແລະ ການຮ່ວມມືສາກົນເລິກເຊິ່ງກ່ວາອີກ. ທ່ານນາງປະທານສະພາແຫ່ງຊາດ ຫງວຽນທິກິມເງິນ ຢັ້ງຢືນວ່າ ພັກ, ລັດ ແລະ ສະພາແຫ່ງຊາດ ຫວຽດນາມ ຍາມໃດກໍ່ສະຫງວນຄວາມເອົາໃຈໃສ່, ສະໜັບສະໜູນ, ສ້າງເງື່ອນໄຂເພື່ອໃຫ້ບັນດາອົງການຕາງໜ້າຂອງ ຫວຽດນາມ ປະຈຳຕ່າງປະເທດເຄື່ອນໄຫວຢ່າງສະດວກ ພິເສດແມ່ນເພື່ອແນໃສ່ປະກອບສ່ວນຮັບໃຊ້ພາລະກິດປົກປັກຮັກສາ, ສ້າງສາ ແລະ ພັດທະນາປະເທດຊາດ.
ກ່ອນໜ້ານັ້ນ, ຕອນເຊົ້າວັນທີ 9/4, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ໄປຢ້ຽມຢາມ ແລະ ເຮັດວຽກຢູ່ນະຄອນ Szentendre, ນະຄອນ ແຮກສ່ຽວກັບນະຄອນ ໂຫ້ຍອານ, ແຂວງ ກວາງນາມ, ຫວຽດນາມ.
ແລະກໍ່ໃນວັນດຽວກັນ, ຢູ່ນະຄອນຫຼວງ Budapest, ທ່ານນາງປະທານສະພາແຫ່ງຊາດ ຫງວຽນທິກິມເງິນ ມີການພົບປະກັບທ່ານຮອງປະທານສະພາແຫ່ງຊາດ ຮູງກາຣີ Jakab Istvan. ທ່ານນາງປະທານສະພາແຫ່ງຊາດ ຫງວຽນທິກິມເງິນ ຢັ້ງຢືນວ່າ ຫວຽດນາມ ຂອບອົກຂອບໃຈບັນດາການຊ່ວຍເຫຼືອອັນລ້ຳຄ່າ, ມີປະສິດທິຜົນເຊິ່ງປະຊາຊົນ ຮູງກາຣີ ສະຫງວນໃຫ້ແກ່ປະຊາຊົນ ຫວຽດນາມ ໃນພາລະກິດຕໍ່ສູ້ປົດປ່ອຍຊາດກ່ອນນີ້ ແລະ ໃນການສ້າງສາປະເທດຊາດໃນປະຈຸບັນ. ໃນການຢ້ຽມຢາມຢ່າງເປັນທາງການຄັ້ງນີ້, ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ປາດຖະໜາຢາກຊຸກຍູ້ການພົວພັນລະຫວ່າງສະພາແຫ່ງຊາດ 2 ປະເທດ, ປະກອບສ່ວນເຮັດໃຫ້ການພົວພັນທາງດ້ານການເມືອງ, ການທູດຂອງ ຮູງກາຣີ ແລະ ຫວຽດນາມ ນັບມື້ນັບພັດທະນາຢ່າງດີງາມ ແລະ ແທດຈິງ.