(vovworld) - ໃນຊຸມມື້ນີ້, ຢູ່ຫຼາຍທ້ອງຖີ່ນໃນທົ່ວປະເທດໄດ້ດຳເນີນການເຄື່ອນໄຫວຕ່າງໆ ເພື່ອສະເຫຼີມສະຫຼອງ 42 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ (30/4/1975-30/4/2017).
ພາບປະກອບ
|
ຕອນຄຳ່ວັນທີ 29/4, ຢູ່ເຂດອະນຸສາວະລີໄຊຊະນະ (ນະຄອນ ດ້ຽນບຽນຝູ, ແຂວງ ດ້ຽນບຽນ), ໄດ້ດຳເນີນລາຍການສິລະປະ “ປະເທດຊາດຢູ່ໃນໃຈ“, ເຊິ່ງໄດ້ວາດພາບບັນຍາກາດອັນສະຫງ່າອົງອາດຂອງປະເທດຊາດ, ເຮັດໃຫ້ຜູ້ຊົມມີຄວາມເຂົ້າໃຈ ແລະ ເຄົາລົບບັນດາຄຸນຄ່າປະຫວັດສາດຂອງຊາດ ຫວຽດນາມຕື່ມອີກ.
ໃນລະຫວ່າງວັນທີ 28/4-19/5, ຢູ່ເຂດປູຊະນີຍະສະຖານປະຫວັດສາດຄຸກກັກຂັງນັກໂທດກອມມູນິດ ຫວຽດນາມ/ຟູ໋ກວົກ ໄດ້ຈັດຕັ້ງງານວາງສະແດງວິຈິດສິນຂອງຈິດຕະກອນ ກາວເລກວາງ. ງານວາງສະແດງໄດ້ສ່ອງແສງໃຫ້ເຫັນຄວາມເຈັບແສບຈາກສົງຄາມ, ດ້ວຍຫົວຂໍ້ “ປະເທດຊາດບົນທະເລ“. ຜ່ານນີ້ ຈິດຕະກອນ ກາວເລກວາງ ຢາກສະແດງຄວາມຮູ້ບຸນຄຸນບັນດາວິລະຊົນນັກຮົບທີ່ໄດ້ເສຍສະຫຼະຊີວິດຢູ່ຄຸກຟູ໋ກວົກ.
ເຈືອຈານໃນບັນຍາກາດຂອງປະຊາຊົນທົ່ວປະເທດ ແລະ ຊາວຫວຽດນາມ ຢູ່ໃນໂລກ. ຕອນເຊົ້າວັນທີ 30/4, ສະມາຄົມຊາວ ກຳປູເຈຍ ເຊື້ອຊາດ ຫວຽດນາມ ຢູ່ ພະນົມເປັນ ໄດ້ຈັດຕັ້ງພິທີສະເຫຼີມສະຫຼອງ 42 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ. ເພື່ອທົບທວນຄືນມູນເຊື້ອຕໍ່ສູ້ປະຕິວັດອັນພິລະອາດຫານຂອງຊາດ ຫວຽດນາມ, ແລະ ສະແດງຄວາມຮູ້ບຸນຄູນຕໍ່ບັນດາວິລະຊົນ, ນັກຮົບທີ່ເສຍສະຫຼະຊີວິດເພື່ອຊາດ, ຄອບຄົວຜູ້ມີຄຸນງາມຄວາມດີຕໍ່ການປະຕິວັດ ແລະ ບັນດາທະຫານເສຍອົງຄະເຊິ່ງໄດ້ເຂົ້າຮ່ວມການຕໍ່ຕ້ານເພື່ອພາລະກິດປົດປ່ອຍຊາດ.
ໃນໂອກາດນີ້, ສະຖານທູດ ຫວຽດນາມປະຈຳ ຝລັ່ງກໍ່ຈັດຕັ້ງພິທີໂຮມຊຸມນຸມສະເຫຼີມສະຫຼອງ 42 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ແລະ 40 ປີ ແຫ່ງວັນເປີດສະຫຼອງສຳນັກງານທຳອິດຂອງສະຖານທູດ ສາທາລະນະລັດ ປະຊາທິປະໄຕ ຫວຽດນາມ ປະຈຳ ຝລັ່ງ (29/4/1977-29/4/2017). ກ່າວຄວາມເຫັນນະພິທີ, ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ເລຮ່ວາຍຈູງ, ເນັ້ນໜັກວ່າ:
“ໄຊຊະນະ 30/4 ໄດ້ເປັນຂີດໝາຍບາດລ້ຽວຕັດສິນໃນປະຫວັດສາດຂອງປະເທດ, ນຳຫວຽດນາມກ້າວເຂົ້າສູ່ສັກກະລາດແຫ່ງເອກະລາດ, ເສລີພາບ, ພັດທະນາ ແລະ ລັດທິສັງຄົມນິຍົມ. ພາຍຫຼັງ 42 ປີ ແຫ່ງການປົດປ່ອຍພາກໃຕ້, ໂຮມປະເທດຊາດເປັນເອກະພາບນັ້ນ, ຈາກປະເທດໜຶ່ງທີ່ທຸກຍາກຫຼ້າຫຼັງ, ຖືກສົງຄາມທຳລາຍຢ່າງໜັກໜ່ວງ, ຫວຽດນາມໄດ້ມີບາດກ້າວພັດທະນາຢ່າງໄວຕາມທິດຫັນເປັນອຸດສາຫະກຳ ແລະ ທັນສະໄໝ. ພາຍຫຼັງ 30 ປີແຫ່ງການປ່ຽນໃໝ່, ກຳລັງບົ່ມຊ້ອນດ້ານເສດຖະກິດ, ອິດທິພົນ, ທີ່ຕັ້ງສາກົນຂອງປະເທດໄດ້ຮັບການຍົກສູງຂຶ້ນ, ກຳລັງແຮງສັງລວມຂອງປະເທດໄດ້ເພີ່ມຂຶ້ນຫຼາຍ, ສ້າງເປັນທ່ວງທ່າ ແລະ ກຳລັງໃໝ່ເພື່ອໃຫ້ປະເທດຊາດສືບຕໍ່ກ້າວຂຶ້ນ“.