ທ່ານຮອງນາຍົກລັດຖະມົນຕີ ຫວູດືກດາມກ່າວຄຳເຫັນ
ທີ່ພິທີ
ພາບ:baomoi.com
|
(vovworld)- ຕອນຄ່ຳວັນທີ 27/2 ຢູ່ ຮ່າໂນ້ຍ, ກະຊວງສາທາລະນະສຸກຫວຽດນາມ ໄດ້ຈັດຕັ້ງພິທີສະເຫລີມສະຫລອງ 60 ປີແຫ່ງວັນແພດໝໍຫວຽດນາມ ແລະ ລາຍການສະແດງສິລະປະ “ສາທາລະນະສຸກຫວຽດນາມ - 60 ປີປະຕິບັດຕາມຄຳສັ່ງສອນຂອງປະທານໂຮ່ຈິມີນ”. ອ່ານສູນທອນພົດທີ່ພິທີ, ທ່ານນາງ ຫງວຽນທິກີມຕຽນ ໄດ້ທົບທວນຄືນມູນເຊື້ອອັນສະຫງ່າລາລີຂອງຂະແຫນງສາທາລະນະສຸກຫວຽດນາມ ຜ່ານບັນດາໄລຍະປະຫວັດສາດ.
“ຕະຫລອດ 60 ປີຜ່ານມາ, ໂດຍຊາບຊືມຄຳສັ່ງສອນຂອງປະທານໂຮ່ຈິມີນ, ຂະແຫນງສາທາລະນະສຸກ ຫວຽດນາມ ໄດ້ສູ້ຊົນຢ່າງບໍ່ຢຸດຢັ້ງ, ຜ່ານຜ່າທຸກຄວາມຫຍຸ້ງຍາກລຳບາກ ບືນຕົວຂຶ້ນສຳເລັດຫນ້າທີ່ ຊື່ງພັກ ແລະ ລັດ, ປະຊາຊົນມອບໝາຍເປັນຢ່າງດີ.”
ຕາງຫນ້າໃຫ້ພັກ, ລັດ, ທ່ານຮອງນາຍົກລັດຖະມົນຕີ ຫວູດືກດາມ ໄດ້ມອບຫລຽນໄຊແຮງງານຊັ້ນຫນຶ່ງໃຫ້ແກ່ຂະແຫນງສາທາລະນະສຸກຫວຽດນາມ.
ໃນວັນດຽວກັນ, ພະແນກສາທາລະນະສຸກ ນະຄອນ ໂຮ່ຈິມີນ ໄດ້ສົມທົບກັບຄະນະຊົນເຜົ່ານະຄອນ ຈັດຕັ້ງການພົບປະແລກປ່ຽນກັບແພດໝໍຊາວຊົນເຜົ່າ ເກືອບ 50 ຄົນ ທີ່ພວມເຮັດວຽກຢູ່ບັນດາໂຮງໝໍໃນນະຄອນ. ໃນຂະນະນັ້ນ ຕອນຄ່ຳວັນທີ 27/2, ຢູ່ນະຄອນຫລວງ ມົດສະກູ, ສະມາຄົມການແພດ- ການຢາຫວຽດນາມ ຢູ່ ສະຫະພັນລັດເຊຍ ໄດ້ຈັດຕັ້ງການພົບປະສັງສັນເນື່ອງໃນໂອກາດ 60 ປີວັນແພດໝໍຫວຽດນາມ.