ການເຈລະຈາລະຫວ່າງ EU - ອັງກິດ ກ່ຽວກັບຂໍ້ຕົກລົງພາຍຫຼັງ Brexit ບໍ່ບັນລຸໄດ້ຄວາມກ້າວໜ້າຢ່າງລະອຽດ
(VOVWORLD) -EU ແລະອັງກິດຫາກໍ່ສິ້ນສຸດຮອບເຈລະຈາທີ 2 ເຊິ່ງດຳເນີນເປັນເວລາ 1 ອາທິດກ່ຽວກັບຂໍ້ຕົກລົງພາຍຫຼັງ Brexit ແຕ່ບໍ່ບັນລຸໄດ້ຄວາມກ້າວໜ້າໃດດ້ວຍສາຍເຫດ ເຊິ່ງຕາມຝ່າຍ EU ແລ້ວແມ່ນຍ້ອນຂາດຄຳໝັ້ນສັນຍາຈາກຝ່າຍອັງກິດ.
 ທ່ານ Michel Barnier ຫົວໜ້າຄະນະເຈລະຈາຂອງ EU |
ກ່າວຄຳເຫັນໃນການຖະແຫຼງຂ່າວໃນຕອນບ່າຍວັນທີ 24 ເມສາ, ພາຍຫຼັງສິ້ນສຸດການເຈລະຈາກັບຝ່າຍອັງກິດທ່ານ Michel Barnier ຫົວໜ້າຄະນະເຈລະຈາຂອງ EU ໃຫ້ຮູ້ວ່າສອງຝ່າຍບໍ່ບັນລຸໄດ້ຄວາມຄືບໜ້າດີພໍສົມຄວນ. ພ້ອມກັນນັ້ນ, ຝ່າຍ EU ກໍ່ໄດ້ຕຳໜິຕິຕຽນຝ່າຍອັງກິດວ່າ ຂາດຄຳໝັ້ນສັນຍາໃນບັນດາຫົວຂໍ້ເຈລະຈາສຳຄັນ. ລາຍລະອຽດແມ່ນ, ໃນບັນຫາການຫາປາເຊິ່ງເປັນໜຶ່ງໃນບັນດາບັນຫາສັບສົນທີ່ສຸດ, ທ່ານ Barnier ໃຫ້ຮູ້ວ່າບັນດານັກເຈລະຈາອັງກິດ ບໍ່ສາມາດຍົກອອກເອກະສານນິຕິກຳໃດເພື່ອມາປຶກສາຫາລື.
ໂຕ້ຕອບການຕຳໜິຕິຕຽນຈາກຝ່າຍ EU,ໃນແຈ້ງການທີ່ໄດ້ຍົກອອກໃນຕອນບ່າຍວັນທີ 24 ເມສາ, ລັດຖະບານອັງກິດໃຫ້ຮູ້ວ່າ, ສອງຝ່າຍຈະບໍ່ມີຂໍ້ຕົກລົງທີ່ກົມກຽວເມື່ອ EU ຍັງຈັດວາງບັນດາເງື່ອນໄຂໃຫ້ແກ່ປະເທດອັງກິດແລະຍັງບໍ່ທັນຮັບຮູ້ໄດ້ວ່າອັງກິດໄດ້ຖອນຕົວອອກຈາກ EU ແລ້ວ.
ກວາງຢຸງ, ນັກຂ່າວ VOV ປະຈຳ ຝລັ່ງ