ການເຈລະຈາລະຫວ່າງເຈົ້າໜ້າທີ່ການທູດຊີຣີ ແລະ ຈີນ
(ພາບປະກອບ)
(vovworld) - ວັນທີ 06/02, ຢູ່ປັກກິງ, ປະເທດຈີນ, ໄດ້ດຳເນີນການເຈລະຈາລະຫວ່າງທ່ານລັດຖະມົນຕີການຕ່າງປະເທດຈີນ ຢາງເຈຍຊື້ ແລະ ທ່ານຮອງລັດຖະມົນຕີການຕ່າງປະເທດຊີຣີ Faisal al Miqdad, ເພື່ອແລກປ່ຽນກ່ຽວກັບມາດຕະການຢຸດຕິວິກິດການຢູ່ປະເທດຕາເວັນອອກກາງນີ້. ທ່ານ ຢາງເຈຍຊື້ ໄດ້ຢືນຢັນອີກຄັ້ງໜື່ງວ່າ ປັກກິງ ສະໜັບສະໜູນທຸກມາດຕະການເພື່ອນຳມາເຊິ່ງສັນຕິພາບໃຫ້ແກ່ປະຊາຊົນຊີຣີ: “ຈີນ ຮັກສາຫຼັກໝັ້ນພາວະວິໄສ ແລະ ສົມດູນໃນບັນຫາຊີຣີ, ພ້ອມທັງຊົມເຊີຍທຸກມາດຕະການສັນຕິພາບ ເຊິ່ງບັນດາຝ່າຍຂອງຊີຣີ ເຫັນດີ”. ການນຳຂະແໜງການທູດຈີນ ກໍ່ຮຽກຮ້ອງໃຫ້ບັນດາຝ່າຍຢູ່ຊີຣີ ດຳເນີນການເຈລະຈາດ້ານການເມືອງ ແລະ ປະຕິບັດວິວັດການມອບໂອນສິດອຳນາດ ໂດຍອິ່ງໃສ່ບັນດາຂໍ້ຕົກລົງທີ່ບັນລຸໄດ້ຢູ່ Geneva ເມື່ອເດືອນ 06/2012, ພ້ອມທັງກະຕຸກຊຸກຍູ້ບັນດາຝ່າຍຢ່າງຕັ້ງໜ້າ ເພື່ອສະໜັບສະໜູນບົດບາດເປັນກາງໄກເກ່ຍຂອງທູດພິເສດລວມຂອງສະຫະປະຊາຊາດ ແລະ ສະຫະພັນອາຣັບ ກ່ຽວກັບບັນຫາຊີຣີ ເພື່ອແນໃສ່ຊອກຫາມາດຕະການທີ່ຮອບດ້ານໃຫ້ແກ່ບັນຫາຊີຣີ ໃນປະຈຸບັນ.
ສ່ວນທ່ານຮອງລັດຖະມົນຕີການຕ່າງປະເທດຊີຣີ Faisal al Miqdad ໃຫ້ຮູ້ວ່າ ຍາມໃດອຳນາດການປົກຄອງ ດາມາກຸດ ກໍສະໜັບສະໜູນຈິດໃຈຂອງບັນດາຂໍ້ຕົກລົງ Geneva ກໍຄືໃຫ້ຄຳໝັ້ນສັນຍາຮ່ວມມືກັບທູດພິເສດ Brahimi ເພື່ອແນໃສ່ຢຸດຕິສົງຄາມພາຍໃນ ເຊິ່ງໄດ້ເຮັດໃຫ້ປະຊາຊົນຊີຣີ ນັບໝື່ນຄົນເສຍຊີວິດໃນໄລຍະກວ່າ 20 ເດືອນຜ່ານມາ.