(vovworld) - ວັນທີ 19/10, ມີປະຊາຊົນນັບໝື່ນຄົນໄດ້ເຂົ້າຮ່ວມການເດີນຂະບວນປະທ້ວງຢູ່ ອີຕາລີ ແລະ ປອກຕຸຍການ ເພື່ອຄັດຄ້ານບັນດາມາດຕະການຮັດເຂັມຄັດ ຂອງລັດຖະບານ. ຢູ່ ອີຕາລີ, ບັນດາຜູ້ຈັດຕັ້ງໃຫ້ຮູ້ວ່າຈຳນວນຜູ້ເຂົ້າຮ່ວມການເດີນຂະບວນຂຶ້ນເຖິງ 70.000 ຄົນ, ເຮັດໃຫ້ວົງການເຈົ້າໜ້າທີ່ ອີຕາລີ ຕ້ອງຜັນຂະຫຍາຍຕຳຫຼວດ 3.000 – 4.000 ຄົນເພື່ອຮັບປະກັນຄວາມປອດໄພ. ບັນດາຜູ້ເດີນຂະບວນປະທ້ວງໄດ້ຕຳນິຕິຕຽນລັດຖະບານນຳໃຊ້ມາດຕະການຮັດເຂັມຄັດພຽງສົ້ນດຽວ, ທັງບໍ່ສາມາດຊ່ວຍຫລຸດຜ່ອນໜີ້ສາທາລະນະ ທັງກີດຂວາງການພັດທະນາເສດຖະກິດ.
ແລະກໍ່ໃນວັນດຽວກັນ, ປະຊາຊົນ ປອກຕຸຍການ ນັບພັນຄົນໄດ້ແຫ່ຂະບວນປະທ້ວງຄັດຄ້ານບັນດາມາດຕະການຫລຸດຜ່ອນເງິນເດືອນ ແລະ ເບ້ຍບຳນານໃນແຜນງົບປະມານປີ 2014 ຂອງລັດຖະບານ. ຮ່າງກົດໝາຍກໍ່ກຳນົດບັນດາບ້ວງເງິນຕ້ອງຫລຸດຜ່ອນເຊິ່ງ Lisbon ຕ້ອງປະຕິບັດເພື່ອຕອບສະໜອງບັນດາເງື່ອນໄຂຊ່ວຍເຫຼືອຈາກສະຫະພາບເອີລົບ (EU) ແລະ ກອງທຶນເງິນຕາສາກົນ (IMF).