(vovworld) – ຍາມໃດ ຫວຽດນາມ ກໍ່ຖືເປັນສຳຄັນ ແລະ ເພີ່ມທະວີການຮ່ວມມືທຸກດ້ານກັບ ນອກແວ. ນັ້ນແມ່ນການຢັ້ງຢືນຂອງທ່ານນາງຮອງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ເມື່ອຕ້ອນຮັບຄະນະຜູ້ແທນກຳມາທິການການຕ່າງປະເທດ ແລະ ປ້ອງກັນປະເທດ ສະພາແຫ່ງຊາດ ນອກແວ ໃນວັນທີ 15/9, ຢູ່ຮ່າໂນ້ຍ. ຄະນະໂດຍທ່ານນາງ Anniken Huitfeldt, ຫົວໜ້າກຳມາທິການດັ່ງກ່າວເປັນຫົວໜ້າຄະນະພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ສະເໜີໃຫ້ 2 ຝ່າຍສືບຕໍ່ແລກປ່ຽນຄະນະຜູ້ແທນຂັ້ນສູງ ແລະ ບັນດາກະຊວງ, ຂະແໜງການຂອງ 2 ປະເທດ, ຜ່ານນັ້ນ ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ ແລະ ຊຸກຍູ້ການຮ່ວມມືເສດຖະກິດ, ການຄ້າ 2 ຝ່າຍ, ແບ່ງປັນບົດຮຽນ, ພົບປະກັບບັນດາກຳມາທິການ. ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ຢັ້ງຢືນວ່າ: ຫວຽດນາມ ກຽມພ້ອມສ້າງເງື່ອນໄຂອຳນວຍຄວາມສະດວກເພື່ອໃຫ້ບັນດາວິສາຫະກິດຕ່າງປະເທດເວົ້າລວມ ແລະ ນອກແວ ເວົ້າສະເພາະເຂົ້າມາລົງທຶນດຳເນີນທຸລະກິດຢູ່ ຫວຽດນາມ. ແຫຼ່ງທຶນ ODA ຂອງນອກແວ ສະຫງວນໃຫ້ແກ່ ຫວຽດນາມ ໄດ້ຮັບການນຳໃຊ້ຢ່າງມີປະສິດທິຜົນ, ປະກອບສ່ວນສຳຄັນເຂົ້າໃນການໜູນຊ່ວຍ ຫວຽດນາມ ປະຕິບັດສຳເລັດຫຼາຍຈຸດໝາຍພັດທະນາສະຫັດສະວັດຂອງ ສປຊ ກ່ອນກຳນົດເວລາ.