ເວທີປາໄສເດັກນ້ອຍ ອາຊຽນ ຄັ້ງທີ 4
(ພາບ: radiovietnam)
(vovworld) - ຕອນບ່າຍວັນທີ 22/06 ຢູ່ຮ່າໂນ້ຍ ເວທີປາໄສເດັກນ້ອຍ ອາຊຽນ ຄັ້ງທີ 4 ຖືກອັດລົງ ພາຍລັງການປຶກສາຫາລື, ເຈລະຈາມາເປັນເວລາ 4 ວັນ. ໃນວາລະອັດເວທີປາໄສ, ຜູ້ຕາງໜ້າເດັກນ້ອຍທີ່ມາຈາກບັນດາປະເທດໃນປະຊາຄົມ ອາຊຽນ ມີວາລະເຈລະຈາກັບຜູ້ຕາງໜ້າບັນດາເຈົ້າໜ້າທີ່ຂັ້ນສູງຮັບຜິດຊອບປະຫວັດດີສັງຄົມ ແລະ ພັດທະນາຂອງ ອາຊຽນ ແລະ ຜູ້ຕາງໜ້າບາງອົງການຂະແໜງສະເພາະທີ່ກ່ຽວຂ້ອງຢູ່ ຫວຽດນາມ. ທ່ານ ດັ້ງຮວານາມ ຫົວໜ້າກົມສົ່ງເສີມ ແລະ ປົກປ້ອງເດັກນ້ອຍ ຂຶ້ນກັບກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ ໃຫ້ຮູ້ວ່າ:
“ບັນດາຂໍ້ສະເໜີທັງໝົດຂອງພວກນ້ອງຢູ່ເວທີປາໄສນັ້ນ ກະຂວງແຮງງານ - ທະຫານເສຍອົງຄະ ແລະ ສັງຄົມ ຈະສົ່ງເຖິງນາຍົກລັດຖະມົນຕີ, ບັນດາກະຊວງ, ຂະແໜງການທີ່ກ່ຽວຂ້ອງມີຄວາມຮັບຜິດຊອບ, ສິດອຳນາດ ເພື່ອແກ້ໄຂ. ບັນດາກະຊວງ, ຂະແໜງການພິຈາລະນາບັນດາຄວາມມຸ່ງມາດປາດຖະໜາອັນຊອບທຳ ແລະ ບັນດາຄວາມມຸ່ງມາດປາດຖະໜາທີ່ສາມາດປະຕິບັດໄດ້ໃນທັນທີ. ທີ່ເວທີປາໄສຄັ້ງທີ 5, ບັນດາກະຊວງ, ຂະແໜງການຈະແຈ້ງຄືນໃຫ້ຜູ້ຕາງໜ້າເດັກນ້ອຍກ່ຽວກັບບັນດາເລື່ອງ ເຊິ່ງກະຊວງຂອງຕົນປະຕິບັດໄດ້, ບັນດາເລື່ອງທີ່ຍັງບໍ່ທັນປະຕິບັດໄດ້ ຈະສືບຕໍ່ປະຕິບັດ ເພື່ອຕອບສະໜອງບັນດາຄວາມມຸ່ງມາດປາດຖະໜາອັນຊອບທຳຂອງພວກນ້ອງ.”
ແລະໃນຕອນຄ່ຳວັນດຽວກັນ, ໃນຂອບເຂດບັນດາການເຄື່ອນໄຫວຂອງເວທີປາໄສເດັກນ້ອຍ ອາຊຽນ ຄັ້ງທີ 4, ເດັກນ້ອຍບັນດາປະເທດເຂົ້າຮ່ວມງານພົບປະແລກປ່ຽນວັດທະນະທຳ ເພື່ອແນໃສ່ເພີ່ມທະວີນ້ຳໃຈສາມັກຄີ ແລະ ຄວາມເຂົ້າອົກເຂົ້າໃຈກ່ຽວກັບວັດທະນະທຳຂອງບັນດາປະເທດໃນປະຊາຄົມ ອາຊຽນ ຫລາຍກ່ວາອີກ.