ຂະບວນລົດລຳລຽງເຄື່ອງຊ່ວຍເຫຼືອນາໂຕ ໄປຮອດອາບການນີສະຖານ
(ພາບ:dantri.com.vn)
( vovworld ) – ວັນທີ 5/7, ຂະບວນລົດລຳລຽງເຄື່ອງຊ່ວຍເຫຼືອໃຫ້ແກ່ກຳລັງນາໂຕ ຢູ່ອາບການນີສະຖານ ຊຸດທຳອິດ ໄດ້ໄປຜ່ານເຂດຊາຍແດນປາກີສະຖານ ເຂົ້າເຂດຊາຍແດນອາບການນີສະຖານ ພາຍຫຼັງທີ່ ອິດສລາມາບາດ ຕົກລົງຢຸດຕິການປິດລ້ອມເສັ້ນທາງນີ້ທີ່ໄດ້ແກ່ຍາວໃນເວລາ 7 ເດືອນຜ່ານມາ. ອົງການສືບສວນລະຫວ່າງລັດຂອງປາກີສະຖານ ຮັບຮູ້ວ່າ: ມີລົດບັນທຸກ 3 ຄັນ ໄດ້ເຮັດລະບຽບການຜ່ານດ່ານຊາຍແດນ ແລະ 2 ໃນ ຈຳນວນ 3 ຄັນນັ້ນໄດ້ຜ່ານດ່ານຊາຍແດນເຂົ້າເຂດດິນແດນອາບການີສະຖານ ແລ້ວ. ລົດລຳລຽງເຄື່ອງຊ່ວຍເຫຼືອໃຫ້ແກ່ກຳລັງນາໂຕ ສ່ວນຫຼາຍຕ້ອງລໍຖ້າຢູ່ທ່າກຳປັ່ນ ກາຣາຈີ ຂອງປາກີສະຖານ ໃນຕະຫຼອດເວລາ 7 ເດືອນຜ່ານມາ. ບັນດາເຈົ້າໜ້າທີ່ຢູ່ທີ່ນີ້ໃຫ້ຮູ້ວ່າ ຈະຕ້ອງເສຍເວລາ 2,3 ວັນເພື່ອເລີ່ມຕົ້ນການຂົນສົ່ງເຄື່ອງຊ່ວຍເຫຼືອດັ່ງກ່າວ ຍ້ອນວ່າ ປະຈຸບັນ ພວມຕ້ອງນຳໃຊ້ ບັນດາມາດຕະການປ້ອງກັນຄວາມສະຫງົບປອດໄພ ເພື່ອແນໃສ່ປ້ອງກັນເຄື່ອງຂອງອອກຈາກການບຸກໂຈມຕີຂອງພວກທະຫານກະບົດຕາລີບານ.