ທ່ານ​ນາງ​ຫງວຽນ​ທິ​ກີມ​ຕຽນ, ລັດ​ຖະ​ມົນ​ຕີ​ກະ​ຊວງ​ສາ​ທາ​ລະ​ນະ​ສຸກ​ຫວຽດ​ນາມ​ໂອ້​ລົບ​ກັບ​ຄົນ​ເຈັບ ພາບ:internet

(vovworld)- ກ້າວ​ເຂົ້າ​ສູ່​ປີ 2017, ກະ​ຊວງ​ສາ​ທາ​ລະ​ນະ​ສຸກ ສືບ​ຕໍ່​ຜັນ​ຂະ​ຫຍາຍ​ຫລາຍ​ມາດ​ຕະ​ການ​ຢ່າງ​ຄົບ​ຊຸດ​ເພື່ອ​ຮັບ​ປະ​ກັນ​ການ​ພັດ​ທະ​ນາ​ລະ​ບົບ​ສາ​ທາ​ລະ​ນະ​ສຸກ​ຫວຽດ​ນາມ ມຸ່ງ​ໄປ​ເຖິງ​ຄວາມ​ຍຸ​ຕິ​ທຳ, ​ປະ​ສິດ​ທິ​ຜົນ ແລະ ມີ​ຄຸນ​ນະ​ພາບຢ່າງ​ໝັ້ນ​ຄົງ. ຂະ​ແຫນງ​ສາ​ທາ​ລະ​ນະ​ສຸກວາງ​ຄາດ​ໝາຍ ຍົກ​ສູງ​ຄຸນ​ນະ​ພາບ​ການ​ປິ່ນ​ປົວ​ພະ​ຍາດ, ເບິ່ງ​ແຍງ​ດູ​ແລ​ສຸ​ຂະ​ພາບ​ຂອງ​ປະ​ຊາ​ຊົນ​ຫລາຍກວ່າ, ມຸ່ງ​ໄປ​ເຖິງ​ຄວາມ​​ເພິ່ງ​ພໍ​ໃຈ​ຂອງ​ຄົນ​ເຈັບ. ນອກນັ້ນ ກະ​ຊວງ​ສາ​ທາ​ລະ​ນະ​ສຸກ​ກໍ​ໄດ້​ສ້າງ​ຕັ້ງ 5 ຄະ​ນະ​ພະ​ນັກ​ງານ​ການ​ແພດ ລົງ​ກວດ​ກາ ຕີ​ລາ​ຄາ​ຄຸນ​ນະ​ພາບ​ບັນ​ດາ​ໂຮງ​ໝໍ​ທີ່​ຂຶ້ນ​ກັບ​ກະ​ຊວງ​ສາ​ທາ​ລະ​ນະ​ສຸກ. ກະ​ຊວງ​ສາ​ທາ​ລະ​ນະ​ສຸກ ຈະ​ສືບ​ຕໍ່​ສ້າງ​ປະ​ມວນ​ມາດ​ຖານ​ຄຸນ​ນະ​ພາບ​ໂຮງ​ໝ​ໍ​ຕາມ​ມາດ​ຕະ​ຖານ​ເຊື່ອມ​ໂຍງ​ເຂົ້າ​ກັບ​ສາ​ກົນ​ໃຫ້​ສົມ​ບູນ​ແບບ.