ພາບປະກອບ: internet
|
(vovworld) - ກອງປະຊຸມສຳມະນາປ່ຽນໃຫມ່ການຈັດຕັ້ງຂະແຫນງກາເຟ ຫວຽດນາມ ໂດຍສະຖາບັນນະໂຍບາຍ ແລະ ຍຸດທະສາດພັດທະນາກະສິກຳຊົນນະບົດ, ສັງກັດກະຊວງກະສິກຳ ແລະ ພັດທະນາຊົນນະບົດ ຫວຽດນາມ ຈັດຕັ້ງຂຶ້ນໃນຕອນບ່າຍວັນທີ 19/9 ຢູ່ ນະຄອນ Buon Ma Thuot ແຂວງ Dac Lac. ທີ່ກອງປະຊຸມສຳມະນາ, ຜູ້ຕາງຫນ້າສະຖາບັນນະໂຍບາຍ ແລະ ຍຸດທະສາດພັດທະນາກະສິກຳ ຊົນນະບົດ ໄດ້ສະເຫນີໂຄງການປະຕິຮູບລະບອບຂະແຫນງກາເຟ. ທ່ານ Dang Kim Son ຫົວຫນ້າສະຖານບັນດັ່ງກ່າວຖືວ່າ: ວິສາຫະກິດຜູ້ປູກ ກາເຟ ຫວຽດນາມ ພວມຂາດການຮ່ວມສຳພັນ, ຂາດລະບອບເປັນເອກະພາບເພື່ອພັດທະນາແບບຍືນຍົງ.
“ຮອດຈຸດເວລາແລ້ວທີ່ພວກເຮົາຕ້ອງປ່ຽນໃຫມ່ການກຳນົດທິດທັງໝົດໃນການສ້າງໂຄງປະກອບຂະແຫນງກາເຟຄືນໃຫມ່. ສະຖາບັນຍຸດທະສາດນະໂຍບາຍພວມສ້າງຍຸດທະສາດພັດທະນາການຜະລິດກະສິກຳໃນຮອບເວລາ 10 ປີຈະມາເຖິງ, ໃນນັ້ນມີການສ້າງຂະແຫນງກາເຟຄືນໃຫມ່. ນີ້ແມ່ນຄວາມຮຽກຮ້ອງສຳຄັນທີ່ສຸດ. ພວກຂ້າພະເຈົ້າສຸມໃສ່ບັນຫາປ່ຽນໃຫມ່ການຈັດຕັ້ງລະບອບ, ນີ້ແມ່ນຄຳຮຽກຮ້ອງຕົ້ນຕໍ.”