ພາບປະກອບ:internet
|
(vovworld)- ບັນດາປະເທດຕາເວັນອອກກາງມີຄວາມຕ້ອງການອັນໃຫຍ່ຫລວງກ່ຽວກັບການນຳເຂົ້າທັນຍາຫານ, ອາຫານ, ຜະລິດຕະພັນກະເສດ, ສິນໃນນ້ຳ ແລະ ເຄື່ອງໃຊ້ສອຍ. ນີ້ແມ່ນຄຳຢືນຢັນຂອງທ່ານ ເຈີນກວາງຮູຍ, ຫົວຫນ້າກົມຕະຫລາດ ອາຟຼິກາ, ອາຊີຕາເວັນຕົກ ແລະ ອາຊີໃຕ້ ທີ່ກອງປະຊຸມສຳມະນາ“ຄວາມສາມາດບົ່ມຊ້ອນ ແລະ ກາລະໂອກາດດຳເນີນທຸລະກິດກັບບັນດາປະເທດຕາເວັນອອກກາງ ໂດຍກະຊວງອຸດສາຫະກຳ ແລະ ການຄ້າຫວຽດນາມ ຈັດຕັ້ງຂຶ້ນໃນວັນທີ 18/4 ຢູ່ ນະຄອນໂຮ່ຈິມີນ. ຕາມທ່ານ ເຈີນກວາງຮູຍ ແລ້ວ, ຕາເວັນອອກກາງ ແມ່ນເຂດທີ່ມີຄວາມສາມາດບົ່ມຊ້ອນກ່ຽວກັບນ້ຳມັນບໍ່, ອາຍແກສ; ຄວາມສາມາດບົ່ມຊ້ອນດ້ານການເງິນອັນໃຫຍ່ຫລວງ. ແຕ່ເງື່ອນໄຂທຳມະຊາດບໍ່ສະດວກ ສະນັ້ນ ຄວາມຕ້ອງການກ່ຽວກັບສະບຽງອາຫານແມ່ນຫລາຍສົມຄວນ. ນີ້ແມ່ນກາລະໂອກາດໃຫຍ່ເພື່ອໃຫ້ບັນດາວິສາຫະກິດຫວຽດນາມ ຮ່ວມມືກັບບັນດາປະເທດໃນເຂດຕາເວັນອອກກາງ. ຄຽງຄູ່ກັນນັ້ນ, ບັນດາຕະຫລາດຄື: ຕວກກີ, ອິດສະຣາແອນ, ອີຣານ, ອີຣັກ ແມ່ນບັນດາຕະຫລາດຈຸດສຸມຊື່ງບັນດາວິສາຫະກິດ ຫວຽດນາມ ຄວນສົນໃຈ. ປີ 2013, ວົງເງິນສົ່ງອອກຂອງຫວຽດນາມ ໄປຍັງຕາເວັນອອກກາງບັນລຸເກືອບ 6,7 ຕື້ USD.