ທ່ານນາງ ຕ່ອງທິຟ໋ອງ ກ່າວຄຳເຫັນທີ່ກອງປະຊຸມສຳມະນາ
(ພາບ: ສຳນັກຂ່າວສານຫວຽດນາມ)
(vovworld) – ວັນທີ 19/6, ຢູ່ນະຄອນ ໂຮ່ຈີມິນ, ຄະນະກຳມະການກ່ຽວກັບບັນດາບັນຫາສັງຄົມຂອງສະພາແຫ່ງຊາດໄດ້ຈັດຕັ້ງກອງປະຊຸມສຳມະນາ “ຄະນະກຳມະການກ່ຽວກັບບັນດາບັນຫາສັງຄົມກັບນະໂຍບາຍ, ກົດໝາຍຊຸກຍູ້ຄວາມກ້າວໜ້າ ແລະ ຄວາມຍຸຕິທຳສັງຄົມ”. ເຂົ້າຮ່ວມກອງປະຊຸມສຳມະນາມີທ່ານນາງ ຕ່ອງທິຟ໋ອງ, ຮອງປະທານສະພາແຫ່ງຊາດ, ທ່ານນາງ ເຈືອງທິມາຍ, ຫົວໜ້າຄະນະຂົນຂວາຍປະຊາຊົນສູນກາງ. ກ່າວຄຳເຫັນທີ່ກອງປະຊຸມສຳມະນາ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ຢັ້ງຢືນວ່າ: ຄະນະກຳມະການກ່ຽວກັບບັນດາບັນຫາສັງຄົມໄດ້ປະກອບສ່ວນຕັ້ງໜ້າເຂົ້າໃນວິວັດການປ່ຽນໃໝ່, ເປີດກ້ວາງປະຊາທິປະໄຕໃນການເຄື່ອນໄຫວຂອງສະພາແຫ່ງຊາດ ແລະ ໄດ້ສ້າງບັນດາຂີດໝາຍສຳຄັນ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ເຊື່ອໝັ້ນວ່າ: ຄະນະກຳມະການກ່ຽວກັບບັນດາບັນຫາສັງຄົມຂອງສະພາແຫ່ງຊາດຊຸດທີ 14 ແລະ ບັນດາອາຍຸການຕໍ່ໄປຈະສືບຕໍ່ສົມທົບກັບບັນດາກະຊວງ, ຂະແໜງການ, ທ້ອງຖິ່ນ, ບັນດາອົງການຂອງສະພາແຫ່ງຊາດ, ຄະນະປະຈຳສະພາແຫ່ງຊາດ, ບັນດາອົງການສາກົນເພື່ອປະກອບສ່ວນເໝາະສົມເຂົ້າໃນພາລະກິດຊຸກຍູ້ບັນດາມູນຄ່າຍຸຕິທຳ ແລະ ຄວາມກ້າວໜ້າສັງຄົມໃນໄລຍະຍູ້ແຮງການຫັນປະເທດຊາດເປັນປະເທດອຸດສາຫະກຳ, ທັນສະໄໝ ແລະ ເຊື່ອມໂຍງເຂົ້າກັບສາກົນ.
ທີ່ກອງປະຊຸມສຳມະນາ, ບັນດາຜູ້ແທນໄດ້ແລກປ່ຽນ, ຕີລາຄາວິວັດທະນາການພັດທະນາຂອງຄະນະກຳມະການ, ບັນດາບົດຮຽນໃນການຈັດຕັ້ງ ແລະ ເຄື່ອນໄຫວຂອງຄະນະກຳມະການໃນ 40 ປີຜ່ານມາ, ບັນດາບັນຫາຕ້ອງໄດ້ສືບຕໍ່ປ່ຽນໃໝ່ເພື່ອປະຕິບັດພາລະໜ້າທີ່ກວດກາ, ຕິດຕາມກວດກາ, ສະເໜີແນະຂອງຄະນະກຳມະການ, ບົດຮຽນກ່ຽວກັບການຕິດພັນອັນສະໜິດສະໜົມລະຫວ່າງກຳມາທິການກ່ຽວກັບບັນດາບັນຫາສັງຄົມ ກັບບັນດາກະຊວງ, ຂະແໜງການ, ບັນດາຄະນະສະມາຊິກສະພາແຫ່ງຊາດ, ສະພາປະຊາຊົນ, ບັນດາອົງການຂັ້ນສູນກາງ ແລະ ທ້ອງຖິ່ນ.