(vovworld) – ໂດຍສືບຕໍ່ວາລະປະຊຸມຄັ້ງທີ 42, ຕອນເຊົ້າວັນທີ 13/10, ຄະນະປະຈຳສະພາແຫ່ງຊາດ ໄດ້ໃຫ້ຄຳເຫັນກ່ຽວກັບເລື່ອງກະກຽມໃຫ້ກອງປະຊຸມສະໄໝສາມັນເທື່ອທີ 10, ສະພາແຫ່ງຊາດຊຸດທີ 13, ເຊິ່ງຈະໄຂຂຶ້ນໃນວັນທີ 20/10 ຈະມາເຖິງ. ຕາມການຄາດຄະເນ, ທີ່ກອງປະຊຸມເທື່ອທີ 10, ສະພາແຫ່ງຊາດຈະຮັບຮອງເອົາຮ່າງກົດໝາຍ 16 ສະບັບ, ຮ່າງມະຕິ 3 ສະບັບ, ໃນນັ້ນມີບັນດາຮ່າງກົດໝາຍສຳຄັນຄື: ປະມວນກົດໝາຍແພ່ງ (ສະບັບປັບປຸງ); ປະມວນກົດໝາຍອາຍາ (ສະບັບປັບປຸງ); ປະມວນກົດໝາຍດຳເນີນຄະດີແພ່ງ (ສະບັບປັບປຸງ)… ກ່ຽວກັບວຽກງານຕິດຕາມກວດກາ, ສະພາແຫ່ງຊາດຈະພິຈາລະນາ, ຕົກລົງບັນດາບັນຫາເສດຖະກິດສັງຄົມ, ໃຫ້ຄຳເຫັນກ່ຽວກັບແຜນການພັດທະນາເສດຖະກິດ, ສັງຄົມໄລຍະ 5 ປີ 2016 – 2020; ພິຈາລະນາບັນດາບົດລາຍງານກ່ຽວກັບວຽກງານປ້ອງກັນ, ຕ້ານການລະເມີດກົດໝາຍ ແລະ ອາດຊະຍາກຳ. ກອງປະຊຸມກໍຈະພິຈາລະນາບັນດາບົດລາຍງານກ່ຽວກັບການຕິດຕາມກວດກາຫົວເລື່ອງສະເພາະ, ການເຄື່ອນໄຫວຊັກຖາມແຕ່ຕົ້ນອາຍຸການທີ 13 ຮອດປີ 2015.
ໃນຕອນເຊົ້າວັນດຽວກັນ, ຄະນະປະຈຳສະພາແຫ່ງຊາດໄດ້ໃຫ້ຄຳເຫັນໃສ່ຮ່າງກົດໝາຍເຊັນຂໍ້ຜູກພັນ, ເຂົ້າຮ່ວມ ແລະ ປະຕິບັດສົນທິສັນຍາສາກົນ (ສະບັບປັບປຸງ).
ແລະກໍຕອນບ່າຍວັນດຽວກັນ, ຄະນະປະຈຳສະພາແຫ່ງຊາດໃຫ້ຄຳເຫັນກ່ຽວກັບເລື່ອງເຂົ້າຮ່ວມສົນທິສັນຍາ La Hay.