ຄະນະຜູ້ຕາງຫນ້າຫວຽດນາມຢູ່ເຊີແນວສົ່ງແຈ້ງຂ່າວກ່ຽວກັບສະພາບການຢູ່ທະເລຕາເວັນອອກຂຶ້ນສປຊ
ກຳປັ່ນຈີນ ສະກັດກັ້ນກຳປັ່ນຫວຽດນາມ
|
(vovworld) - ວັນທີ 20/5, ຄະນະຜູ້ຕາງຫນ້າຫວຽດນາມປະຈຳສປຊ, ອົງການການຄ້າໂລກ(WTO) ແລະ ອົງການຈັດຕັ້ງສາກົນອື່ນ ຢູ່ ເຊີແນວ ປະເທດສະວິດ ໄດ້ອອກແຈ້ງຂ່າວກ່ຽວກັບບັນດາການຜັນແປໃນໄລຍະມໍ່ໆມານີ້ ຢູ່ ທະເລຕາເວັນອອກ ແລະ ສົ່ງເຖິງຫ້ອງການ ສປຊ ຢູ່ ເຊີແນວ, ບັນດາອົງການຈັດຕັ້ງສາກົນພ້ອມກັບບັນດາອົງການສື່ສານມີສຳນັກງານຕັ້ງຢູ່ ເຊີແນວ. ແຈ້ງຂ່າວ ຊີ້ແຈ້ງວ່າ: ເລື່ອງຈີນນຳຮ້ານເຈາະນ້ຳມັນເຂົ້າເຄື່ອນໄຫວຢູ່ໄຫລ່ທະວີບ ແລະ ເຂດເສດຖະກິດຈຳເພາະຂອງຫວຽດນາມແມ່ນການກະທຳລະເມີດອະທິປະໄຕ, ສິດອະທິປະໄຕ, ອຳນາດສານຂອງຫວຽດນາມ ຕາມສົນທິສັນຍາຂອງ ສປຊ ກ່ຽວກັບກົດໝາຍທະເລປີ 1982, ລະເມີດຖະແຫລງການປະພຶດຂອງບັນດາຝ່າຍຢູ່ທະເລຕາເວັນອອກ(DOC) ປີ 2002 ກໍຄືຂໍ້ຕົກລົງຂັ້ນສູງລະຫວ່າງສອງປະເທດ. ແຈ້ງການເນັ້ນຫນັກວ່າ: ບົນພື້ນຖານຢືດໝັ້ນດຳເນີນການເຈລະຈາ, ຊອກຫາບັນດາມາດຕະການໂດຍສັນຕິ, ຫວຽດນາມ ໄດ້ເປີດເຜີຍການພົວພັນຕິດຕໍ່ກັບຝ່າຍຈີນກວ່າ 20 ຄັ້ງ ກ່ຽວກັບເຫດການດັ່ງກ່າວ. ກະຊວງການຕ່າງປະເທດ ຫວຽດນາມ ໄດ້ພົວພັນຕິດຕໍ່ກັບຝ່າຍຈີນ ຢູ່ ຮ່າໂນ້ຍ ແລະ ປັກກີງ ເປັນ 8 ຄັ້ງແລ້ວ, ເປັນຫນ້າສົນໃຈ, ເມື່ອຕອນບ່າຍວັນທີ 6/5ດ ທ່ານຮອງນາຍົກລັດຖະມົນຕີ, ທັງເປັນລັດຖະມົນຕີການຕ່າງປະເທດຫວຽດນາມ ຟ້າມບີງມີງ ໄດ້ໂອ້ລົມທາງໂທລະສັບກັບທ່ານ ຢາງເຈ້ຍຊື້, ກຳມະການລັດຖະບານຈີນ. ໃນແຈ້ງການສົ່ງເຖິງ ສປຊ ຍັງມີແຜນທີ່ ຮັບຮູ້ທີ່ຕັ້ງຊື່ງຮ້ານເຈາະນ້ຳມັນໄຮ່ຢາງ 981 ຂອງຈີນພວມເຄື່ອນໄຫວ. ນອກນັ້ນ ຍັງມີບົດປາໄສຂອງທ່ານນາຍົກລັດຖະມົນຕີ ຫງວຽນເຕີນຢູງ ທີ່ກອງປະຊຸມສຸດຍອດ ອາຊຽນ ຄັ້ງທີ 24; ບົດລາຍງານຂອງບັນດາທ່ານລັດຖະມົນຕີການຕ່າງປະເທດ ອາຊຽນ ກ່ຽວກັບການຜັນແປປະຈຸບັນຢູ່ທະເລຕາເວັນອອກ, ປະຕິກິລິຍາຂອງສາກົນຕໍ່ການກະທຳຂອງຈີນ. ແຈ້ງຂ່າວຢືນຢັນວ່າ: ລັດຖະບານຫວຽດນາມ ຮຽກຮ້ອງຈີນ ຖອນຮ້ານເຈາະນ້ຳມັນ ພ້ອມດ້ວຍບັນດາກຳປັ່ນຄຸ້ມຊູອອກຈາກໄຫລ່ທະວີບ, ເຂດເສດຖະກິດຈຳເພາະຂອງຫວຽດນາມ.