ຄະນະຜູ້ແທນສະພາແຫ່ງຊາດຫວຽດນາມຢ້ຽມຢາມ ອາເມລິການ ແລະ ການາດາ
ທ່ານຮອງປະທານສະພາແຫ່ງຊາດ
ອວງຈູລືວ ພົບປະກັບ
ຊາວຫວຽດນາມອາໄສຢູ່ການາດາ
(ພາບ: vietnamplus)
|
(vovworld) - ຄະນະຜູ້ແທນສະພາແຫ່ງຊາດຫວຽດນາມໂດຍທ່ານຮອງປະທານສະພາແຫ່ງຊາດ ອວງຈູລືວເປັນຫົວໜ້າຄະນະ ຫາກໍສິ້ນສຸດການຢ້ຽມຢາມ ແລະ ເຮັດວຽກເປັນເວລາ 4 ວັນຢູ່ ອາເມລິກາ ແລະ ການາດາ. ການຢ້ຽມຢາມເພື່ອແນໃສ່ເພີ່ມທະວີການພົວພັນລະຫວ່າງສະພາແຫ່ງຊາດຫວຽດນາມ ແລະ ສະພາແຫ່ງຊາດອາເມລິກາ ແລະ ລັດຖະສະພາ ການາດາ, ແລກປ່ຽນ ແລະ ຄົ້ນຄ້ວາບົດຮຽນດ້ານນິຕິບັນຍັດ ແລະ ຕິດຕາມກວດກາ. ໃນການພົບປະກັບຄະນະຫວຽດນາມ, ຝ່າຍ ອາເມລິກາ ແລະ ການາດາຮັບຮູ້ຄວາມໝາຍສຳຄັນຂອງສາຍພົວພັນກັບຫວຽດນາມ, ເຫັນດີເປັນເອກະສັນກັນຊຸກຍູ້ການຮ່ວມມືໃນບັນດາຂົງເຂດ, ພິເສດແມ່ນເສດຖະກິດ, ການຄ້າ ແລະ ການລົງທຶນຢ່າງແຂງແຮງກ່ວາອີກ. ກ່ຽວກັບການພົວພັນລະຫວ່າງສະພາແຫ່ງຊາດຫວຽດນາມ ແລະ ສະພາແຫ່ງຊາດ ອາເມລິກາ ແລະ ລັດຖະສະພາ ການາດາ, ບັນດາຝ່າຍເນັ້ນໜັກຄວາມສຳຄັນຂອງການແລກປ່ຽນຄະນະ, ຜູ້ແທນແບ່ງປັນບົດຮຽນດ້ານນິຕິບັນຍັດ ແລະ ຕິດຕາມກວດກາ. ທ່ານຮອງປະທານສະພາແຫ່ງຊາດ ອວງຈູລືວ ໄດ້ປະກາດນະໂຍບາຍພົວພັນຕ່າງປະເທດຂອງຫວຽດນາມ, ໃນນັ້ນຖືເປັນສຳຄັນການພົວພັນກັບອາເມລິກາ ແລະ ການາດາ.