(vovworld) - ວັນທີ 16/03, ຢູ່ຫ້ອງການຄະນະກຳມະການປະຊາຊົນແຂວງ ບິ່ງເຢືອງ, ທ່ານ ເຈີນແທງລຽມ, ຮອງປະທານຄະນະກຳມະການປະຊາຊົນແຂວງ ບິ່ງເຢືອງ ໄດ້ໃຫ້ການຕ້ອນຮັບ ແລະ ເຮັດວຽກກັບຄະນະຜູ້ແທນສະມາຄົມແມ່ຍິງກຳປູເຈຍ ເພື່ອສັນຕິພາບ ແລະ ພັດທະນາຂອງແຂວງ Kratie, ໂດຍທ່ານນາງ Bon Sophi, ຮອງປະທານແຂວງ Kratie ເປັນຫົວໜ້າຄະນະ. ທີ່ການຕ້ອນຮັບ, ທ່ານ ເຈີນແທງລຽມ ໄດ້ແນະນຳໂດຍສັງເຂບສະພາບ ເສດຖະກິດ, ສັງຄົມຂອງແຂວງບິ່ງເຢືອງ. ການນຳແຂວງເນັ້ນໜັກວ່າ: ບິ່ງເຢືອງ ແລະ Kratie ມີການພົວພັນມິດຕະພາບອັນດີງາມ. 2 ຝ່າຍໄດ້ຈັດຕັ້ງການຢ້ຽມຢາມ, ເຮັດວຽກເປັນຫຼາຍຄັ້ງ ແລະ ມີການຮ່ວມມືໃນຫຼາຍຂົງເຂດ.
ສ່ວນທ່ານນາງຮອງປະທານແຂວງ Kratie, Bon Sophi ສະແດງຄວາມປາດຖະໜາວ່າ, ຜ່ານການຢ້ຽມຢາມຄັ້ງນີ້ ຈະໄດ້ຮ່ຳຮຽນ ແລະ ແລກປ່ຽນບົດຮຽນໃນການເຄື່ອນໄຫວຂອງສະມາຄົມແມ່ຍິງ, ວຽກງານການສຶກສາ, ວັດທະນະທຳ, ສື່ສານໂຄສະນາຂອງແຂວງບິ່ງເຢືອງ ເພື່ອນຳໃຊ້ເຂົ້າໃນການພັດທະນາເສດຖິດ, ສັງຄົມແຂວງ Kratie.