(vovworld) – ໃນລະຫວ່າງວັນທີ 16 – 23/7, ຢູ່ສູນວາງສະແດງ ແລະ ວິຈິດຕະກຳຫາຍຟ່ອງ, ພະແນກວັດທະນະທຳ - ກິລາ ແລະ ທ່ອງທ່ຽວຫາຍຟ່ອງ ໄດ້ຈັດງານວາງສະແດງພາບເອກະສານ - ສີລະປະກ່ຽວກັບສາຍພົວພັນມິດຕະພາບ ແລະ ການຮ່ວມມືຫວຽດນາມ - ລາວ, ຈາກວຽງຈັນ ຮອດ ຫຼວງພະບາງ. ງານວາງສະແດງໄດ້ວາງສະແດງຮູບຖ່າຍ 100 ກວ່າແຜ່ນ ແລະ ຮູບພາບປຸກລະດົມ 8 ແຜ່ນ. ບັນດາຮູບພາບໄດ້ສະແດງໃຫ້ເຫັນສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ, ການຮ່ວມມືຢ່າງຮອບດ້ານລະຫວ່າງຫວຽດນາມ - ລາວ ໂດຍປະທານໂຮ່ຈິມິນ ແລະ ປະທານໄກສອນ ພົມວິຫານ ເປັນຜູ້ກໍ່ຕັ້ງ ແລະ ລຸ້ນຕ່າງໆໄດ້ເພ່ີມພູນຄູນສ້າງ, ປັບປຸງ, ນັບມື້ນັບພັດທະນາຢ່າງມີຊີວິດຊີວາ. ບັນດາຮູບພາບກໍສະແດງໃຫ້ເຫັນບັນດາຊຸມປີທີ່ທະຫານອາສາສະໝັກຫວຽດນາມ ຜ່ານຜ່າຄວາມຫຍຸ້ງຍາກລຳບາກ, ເສຍສະຫຼະຊີວິດ, ຕໍ່ສູ້ຢ່າງສຸດຈິດສຸດໃຈຊ່ວຍປະຊາຊົນລາວ ປົດປ່ອຍ ແລະ ສ້າງສາປະເທດຊາດ.