ບັນດາຜູ້ແທນເຂົ້າຮ່ວມງານວາງສະແດງ
ພາບ:baomoi.com.vn
|
(vovworld)- ຕອນເຊົ້າວັນທີ 22/8, ຢູ່ ນະຄອນ ຕາມກີ, ກະຊວງຖະແຫລງຂ່າວ ແລະ ສື່ສານ ຫວຽດນາມ ໄດ້ສົມທົບກັບຄະນະກຳມະການປະຊາຊົນແຂວງ ກວ໋າງນາມ ໄດ້ຈັດຕັ້ງງານວາງສະແດງແຜນທີ່ ແລະ ເອກະສານ ດ້ວຍຫົວຂໍ້ວ່າ:“ຮ່ວາງຊາ, ເຈື່ອງຊາ ຂອງຫວຽດນາມ-ບັນດາພະຍານຫລັກຖານປະຫວັດສາດ ແລະ ກົດໝາຍ”. ທີ່ງານວາງສະແດງຄັ້ງນີ້ ມີເອກະສານ, ວັດຖຸພັນ, ສິ່ງພິມ ຫລາຍຢ່າງ ແລະ ແຜນທີ່ເກືອບ 100 ແຜ່ນ ຊື່ງແມ່ນບັນດາແຫລ່ງເອກະສານທີ່ໄດ້ຮັບການປະກາດແຕ່ກອ່ນມາຮອດປະຈຸບັນຂອງບັນດານັກຄົ້ນຄ້ວາ, ນັກຮຽນຮູ້ຢູ່ພາຍໃນ ແລະ ສາກົນ. ພິເສດ ມີ Atlas 4 ຊຸດ, ແຜນທີ່ 30 ແຜ່ນ ໂດຍລັດຈີນ ພິມຈຳຫນ່າຍ ແລະ ຈຳຫນ່າຍຢ່າງເປັນທາງການຜ່ານບັນດາໄລຍະປະຫວັດສາດ ໂດຍສະແດງໃຫ້ເຫັນວ່າ ຈີນ ບໍ່ຄຸ້ມຄອງໝູ່ເກາະຮ່ວາງຊາ, ເຈື່ອງຊາ ຈັກເທື່ອ, ນອກນັ້ນ ຍັງມີບັນດາຮູບພາບ ແລະ ວັດຖຸພັນ ກ່ຽວກັບພາລະກິດປະຕິບັດອະທິປະໄຕ, ການຕໍ່ສູ້ປົກປັກຮັກສາອະທິປະໄຕໝູ່ເກາະຮ່ວາງຊາ ແລະ ເຈື່ອງຊາ ຂອງກອງທັບ ແລະ ປະຊາຊົນຫວຽດນາມ.