ຈີນນາບຂູ່ຈະໂຕ້ຕອບ ຖ້າຫາກວ່າ ອາເມລິກາສືບຕໍ່ຜັນຂະຫຍາຍລູກສອນໄຟໄລຍະກາງ
(VOVWORLD) -ຈີນກ່າວເຕືອນອາເມລິກາວ່າ ຄວນຢຸດຕິການຜັນຂະຫຍາຍລູກສອນໄຟໄລຍະກາງເທິງໜ້າດິນ ຢູ່ພາກພື້ນອາຊີ - ປາຊີຟິກ, ພ້ອມທັງຢັ້ງຢືນວ່າ ຈະປະຕິບັດບັນດາມາດຕະການໂຕ້ຕອບທີ່ຄ້າຍຄືກັນກັບທຸກໆປະເທດທີ່ຖືກຳມະສິດ ແລະ ຜັນຂະຫຍາຍອາວຸດຊະນິດນີ້.
 ທ່ານ ຈ້າວຫຼີຈຽນ ໂຄສົກກະຊວງການຕ່າງປະເທດຈີນ (ພາບ: KT/VOV) |
ວັນທີ 21 ສິງຫາ, ເມື່ອກ່າວຄຳເຫັນຕໍ່ວົງການນັກຂ່າວ, ທ່ານ ຈ້າວຫຼີຈຽນ ໂຄສົກກະຊວງການຕ່າງປະເທດຈີນ ໃຫ້ຮູ້ວ່າ ບໍ່ວ່າຄວາມມານະພະຍາຍາມໃດເພື່ອແນໃສ່ຊຸກຍູ້ການຜັນຂະຫຍາຍລູກສອນໄຟຕາມແຜນການຈະບັງຄັບໃຫ້ ອຳນາດການປົກຄອງຈີນ ປະຕິບັດ “ບັນດາມາດຕະການຮັບມືທີ່ຈຳເປັນ” ຕ້ານ ຄືນອາເມລິກາ. ທ່ານ ກໍ່ໃຫ້ຮູ້ຕື່ມອີກວ່າ ບັນດາຖະແຫຼງການ ແລະ ການກະທຳຂອງອາເມລິກາໃນຊຸມປີມໍ່ໆມານີ້ ໄດ້ກໍ່ຜົນສະທ້ອນສ່ວນໃດໜຶ່ງເຖິງສະຖຽນລະພາບຂອງໂລກ ແລະ ພາກພື້ນ.