ຄູນພໍ່ ຟານຄັກຕື ໄດ້ຮັບການເລືອກເຟັ້ນເປັນປະທານ
ຄະນະກຳມະການສາຄັກຄີຊາວຄຼິດ ຫວຽດນາມ ນະຄອນ ໂຮ່ຈິມີນ
ພາບ:baotintuc
|
(vovworld)- ສ້າງແຜນການ,ເນື້ອໃນ, ລາຍການກະກຽມຈັດຕັ້ງກອງປະຊຸມໃຫຍ່ຜູ້ແທນບັນດາຊາວຄຼິດຢູ່ນະຄອນ ໂຮ່ຈິມີນ ສ້າງສາ ແລະ ປົກປັກຮັກສາປະເທດຊາດຄັ້ງທີ 3; ສົມທົບກັນ ແລະ ແນະນຳຈັດຕັ້ງຂະບວນການ “ທົ່ວປວງຊົນສາມັກຄີສ້າງຊີວິດວັດທະນະທຳຢູ່ເຂດຊຸມຊົນ- ຢູ່ໃນສິນກິນໃນທຳ”, ຕັ້ງຫນ້າສົມທົບກັນຜັນຂະຫຍາຍ, ປະຕິບັດບັນດາຂະບວນການ, ການຂົນຂວາຍ ໂດຍຄະນະກຳມະການແນວໂຮມປະເທດຊາດຫວຽດນາມ ຢູ່ນະຄອນໂຮ່ຈິມີນ ຈັດຕັ້ງ. ນີ້ແມ່ນເນື້ອໃນຈຸດສຸມ ໂດຍຄະນະກຳມະການສາຄັກຄີຊາວຄຼິດ ຫວຽດນາມ ນະຄອນ ໂຮ່ຈິມີນ ມີຄວາມເປັນເອກະພາບຜັນຂະຫຍາຍໃນປີ 2017 ທີ່ກອງປະຊຸມສະຫລຸບການເຄື່ອນໄຫວປີ 2016 ແລະ ຜັນຂະຫຍາຍການເຄື່ອນໄຫວປີ 2017 ຊື່ງຈັດຂື້ນໃນວັນທີ 11/2. ກ່າວຄຳເຫັນທີ່ກອງປະຊຸມ, ທ່ານ ຫງວຽນຮ່ວາງນັງ, ປະທານຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈິມີນ ຖືວ່າ: ຊາວຄຼິດໄດ້ປະຕິບັດເປັນຢ່າງດີບົດບາດເປັນພົນລະເມືອງດີ. ໃນປີ 2017, ຄະນະກຳມະການສືບຕໍ່ໂຄສະນາ, ຂົນຂວາຍຊາວຄຼິດ ຕັ້ງຫນ້າເຂົ້າຮ່ວມບັນດາລາຍການຂົນຂວາຍສະເຫລີມສະຫລອງບັນດາວັນບຸນໃຫຍ່, ຂະບວນການແຂ່ງຂັນຮັກຊາດ, ສາມັກຄີຜ່ານຜ່າຄວາມຫຍຸ້ງຍາກ, ປະຕິບັດບັນດາຄາດ ໝາຍເສດຖະກິດສັງຄົມປີ 2017 ຂອງນະຄອນໃຫ້ປະສົບຜົນສຳເລັດ.