ຊາວຫວຽດນາມຢູ່ສະຫະພັນລັດເຊຍຄັດຄ້ານຈີນ
ງານຊຸມນຸມ ຄັດຄ້ານການກະທຳຂອງຈີນ
|
(vovworld)- ວັນທີ 8/6, ຢູ່ ນະຄອນຫລວງ ມົດສະກູ, ຊາວຫວຽດນາມອາໄສ,ຮຳ່ຮຽນ ແລະ ທຳມາຫາກິນຢູ່ ສະຫະພັນລັດເຊຍ ເປັນຈຳນວນຫລວງຫລາຍ ໄດ້ເຂົ້າຮ່ວມງານຊຸມນຸມມິດຕິງ ຄັດຄ້ານການກະທຳຂອງຈີນ ຕັ້ງຮ້ານເຈາະນ້ຳມັນຢ່າງຜິດກົດໝາຍຢູ່ເຂດເສດຖະກິດຈຳເພາະ ແລະ ເຂດໄຫລ່ທະວີບ ຂອງຫວຽດນາມກ ທ່ານ ຫງວຽນກວກຮູ່ງ, ຕາງຫນ້າສະມາຄົມຊາວຫວຽດນາມ ອາໄສຢູ່ ສະຫະພັນລັດເຊຍ ອ່ານຄຳຖະແຫລງຂອງປະຊາຄົມຊາວຫວຽດນາມ ຢູ່ ລັດເຊຍ ສະແດງທ່າທີສະຫນັບສະຫນູນແຜນນະໂຍບາຍ, ນະໂຍບາຍຂອງພັກ ແລະ ລັດ ໃນການຕໍ່ສູ້ກັບຈີນ. ທ່ານ ຮ່າຊວນແທງ,ຮອງປະທານສະມາຄົມເພື່ອນຮ່ວມບ້ານເກີດເມືອງນອນແຂວງ ແທງຮວາ ໃຫ້ຮູ້ວ່າ:
“ຊື່ງແມ່ນຊາວຫວຽດນາມຜູ້ຫນຶ່ງ ແລະ ບັນດາພໍ່ແມ່ປະຊາຊົນແຂວງ ແທງຮວາ ຫ່າງໄກບ້ານເກີດເມືອງນອນພວມທຳມາຫາກິນຢູ່ ລັດເຊຍ, ພວກຂ້າພະເຈົ້າຄັດຄ້ານການກະທຳຂອງຈີນ ແລະ ຮຽກຮ້ອງຝ່າຍຈີນ ຈົ່ງຖອນຮ້ານເຈາະນ້ຳມັນໄຮ່ຢາງ 981 ອອກຈາກເຂດເສດຖະກິດຈຳເພາະ ແລະ ເຂດໄຫລ່ທະວີບ ຂອງຫວຽດນາມ. ໃນໄລຍະຜ່ານມາ, ພໍ່ແມ່ປະຊາຊົນແຂວງ ແທງຮວາຢູ່ ລັດເຊຍ ໄດ້ບໍລິຈາກເງິນ, ລະດົມກຳລັງໃຈຕຳຫລວດທະເລ, ຊາວປະມົງ ເພື່ອປົກປັກຮັກສາອະທິປະໄຕ, ຜືນແຜ່ນດິນສັກກະລະບູຊາຂອງປະເທດຊາດ. ”