(ພາບ: Tố Uyên/Vietnam+)
(vovworld) – ໂດຍສືບຕໍ່ການເດີນຂະບວນຂອງຊາວ ຫວຽດນາມ ອາໄສຢູ່ ເຊີແນວ ແລະ ຢູຣິກ ເມື່ອເດືອນກ່ອນ, ຕອນບ່າຍວັນທີ 21/6, ເພື່ອນມິດສາກົນນັບຮ້ອຍຄົນ ພ້ອມກັບນັກສຶກສາ, ຊາວ ຫວຽດນາມ ພວມຮຳ່ຮຽນ ແລະ ອາໄສຢູ່ປະເທດນີ້ ໄດ້ເດີນຂະບວນຢູ່ຖະໜົນສາຍຕ່າງໆຢູ່ນະຄອນຫຼວງ Bern ຂອງ ສະວິດ ແລະ ເຕົ້າໂຮມຢູ່ສະໜາມຫຼວງ Helvetiaplatz ເພື່ອຄັດຄ້ານບັນດາການເຄື່ອນໄຫວປິນຂັ້ນໄດຂອງ ຈີນ ຢູ່ທະເລຕາເວັນອອກ ເມື່ອນຳຮ້າຍເຈາະນ້ຳມັນ ໄຮຢາງ - 981 ເຂົ້າເຂດເສດຖະກິດຈຳເພາະ ແລະ ໄຫຼ່ທະວີບຂອງ ຫວຽດນາມ.
ເພື່ອນມິດສາກົນຫຼາຍຄົນເຂົ້າຮ່ວມການເດີນຂະບວນໃຫ້ຮູ້ວ່າ ສະໜັບສະໜູນທັດສະນະຂອງ ຫວຽດນາມ ແກ້ໄຂບັນຫານີ້ຜ່ານການໂອ້ລົມສົນທະການ, ສັນຕິພາບ, ບົນພື້ນຖານກົດໝາຍສາກົນ, ຄັດຄ້ານບັນດາການກະທຳກະຫາຍສົງຄາມ ບໍ່ຫົວຊາຕໍ່ກົດໝາຍສາກົນ, ບໍ່ຫົວຊາຕໍ່ສັນຕິພາບ ແລະ ຄວາມຍຸຕິທຳຂອງລັດຖະບານ ຈີນ. ທ່ານ Philippe Schneider, ຮັບຜິດຊອບບັນດາໂຄງການຂອງກະຊວງປ້ອງກັນປະເທດ ສະວິດ ຖືວ່າ, ເຊິ່ງແມ່ນໜຶ່ງໃນ 5 ປະເທດມີສິດຢັບຢັ້ງ ໃນສະພາຄວາມໝັ້ນຄົງ ສປຊ, ຈີນ ຕ້ອງມີຄວາມຮັບຜິດຊອບພິເສດໃນການຮັກສາສັນຕິພາບ ແລະ ຄວາມສະຫງົບສາກົນ. ເຖິງຢ່າງໃດກໍ່ຕາມ, ບັນດາການກະທຳຂອງ ຈີນ ຢູ່ທະເລຕາເວັນອອກໄດ້ໄປຝືນກັບຄວາມຮອບຜິດຊອບສາກົນນັ້ນ.