ຊາວອັງກິດສ່ວນຫຼາຍຍັງຢາກເປັນສະມາຊິກEU
(ພາບປະກອບຈາກ mirror.co.uk)
(vovworld) – ໝາກຜົນຂອງການຢັ່ງຫາງສຽງຫຼ້າສຸດໂດຍບໍລິສັດ Ipsos Mori ປະຕິບັດສະແດງໃຫ້ເຫັນວ່າ: ຜູ້ມີສິດເລືອກຕັ້ງອັງກິດ 56% ຈະສະໜັບສະໜູນປະເທດນີ້ສືບຕໍ່ແມ່ນສະມາຊິກຂອງສະຫະພາບເອີລົບ (ອີຢູ) ເມື່ອທຽບໃສ່ກັບ 36% ທີ່ຢາກໃຫ້ ລອນດອນ ຕັດແຍກອອກຈາກອີຢູເຊິ່ງລວມມີ 28 ປະເທດສະມາຊິກ, ຖ້າຫາກການຢັ່ງຫາງສຽງກ່ຽວກັບຖານະສະມາຊິກຂອງ ອີຢູ ໄດ້ຮັບການຈັດຕັ້ງໃນຈຸດເວລາປະຈຸບັນ.
ການຢັ່ງຫາງສຽງສະແດງໃຫ້ເຫັນວ່າການສະໜັບສະໜູນ ອີຢູ ຂອງປະຊາຊົນປະເທດນີ້ໄດ້ເພີ່ມຂຶ້ນນັບແຕ່ເມື່ອບັນຫາແຍກຕົວອອກຫຼືເປັນສະມາຊິກ ອີຢູ ພົ້ນເດັ່ນຄືນໃໝ່ດ້ວຍທ່າໄດ້ປຽບແມ່ນຂຶ້ນກັບພັກ ເອກະລາດ ອັງກິດ (UKIP) ທີ່ມີແນວຄິດຕ້ານ ເອີລົບ.