ທ່ານປະທານາທິບໍດີ Joe Biden ແລະ ທ່ານປະທານສະພາຕ່ຳ Kevin McCarthy (ພາບ: Reuters)

ຄວາມມານະພະຍາຍາມເຈລະຈາ ກ່ຽວກັບລະດັບເພດານໜີ້ສາທາລະນະ ຢູ່ ອາເມລິກາ  ໃນວັນທີ 23 ພຶດສະພາ, ຢູ່ນະຄອນຫຼວງ ວໍຊິງຕັນ ແມ່ນບໍ່ບັນລຸໄດ້ຄວາມຄືບໜ້າ ໃນຂະນະທີ່ທັງສອງຝ່າຍສືບຕໍ່ມີທັດສະນະແຕກຕ່າງກັນໃນບັນດາບັນຫາຕົ້ນຕໍ. ຖັນແຖວເຈົ້າໜ້າທີ່ທຳນຽບຂາວ ໂດຍທ່ານປະທານາທິບໍດີ Joe Biden ບົ່ງຕົວ ພ້ອມກັບບັນດາຄູ່ຮ່ວມຂຶ້ນກັບພັກສາທາລະນະ ບໍ່ບັນລຸໄດ້ຂໍ້ຕົກລົງ ພາຍຫຼັງປຶກສາຫາລືມາເປັນເວລາ 2 ຊົ່ວໂມງ.

          ຄວາມບໍ່ລົງລອຍກັນໃນປັດຈຸບັນ ແມ່ນຍັງສືບຕໍ່ປິນອ້ອມບັນຫາຂາດດຸ່ນງົບປະມານສະຫະລັດໃນຂະນະ ພັກສາທາລະນະ ຢາກຫຼຸດຄ່າໃຊ້ຈາຍ, ສ່ວນພັກປະຊາທິປະໄຕ ຢາກເພີ່ມອັດຕາອາກອນສຳລັບຄົນຮັ່ງມີ ແລະ ວິສາຫະກິດ. ຖ້າຫາກວ່າ ການເຈລະຈາສືບຕໍ່ຈົນຕາແຈ, ອາເມລິກາ ມີຄວາມສ່ຽງຖືກລົ້ມລະລາຍ ນັບແຕ່ວັນທີ 01 ມິຖຸນາ ຕາມຄຳກ່າວເຕືອນຂອງທ່ານລັດຖະມົນຕີກະຊວງການເງິນ Janet Yellen ແລະ ສິ່ງດັ່ງກ່າວ ຈະສົ່ງຜົນກະທົບຢ່າງໃຫຍ່ຫຼວງເຖິງ ບໍ່ວ່າພື້ນຖານເສດຖະກິດ ອາເມລິກາ ເທົ່ານັ້ນ ຫາກນັບທັງທົ່ວໂລກ ອີກດ້ວຍ.

ຟ້າມຮວັນ, ນັກຂ່າວ VOV ປະຈຳ ອາເມລິກາ