(vovworld) – ວັນທີ 23/7, ຍີ່ປຸ່ນ ໄດ້ເຂົ້າຮ່ວມການເຈລະຈາກ່ຽວກັບສັນຍາຄູ່ຮ່ວມມືເຂດ ປາຊີຟິກ (TPP) ຢ່າງເປັນທາງການ, ກາຍເປັນສະມາຊິກທີ 12 ເຂົ້າຮ່ວມການເຈລະຈາກ່ຽວກັບສັນຍາສ້າງຕັ້ງເຂດການຄ້າເສລີໃຫຍ່ກ່ວາໝູ່ຢູ່ໂລກນີ້. ບັນດາເຈົ້າໜ້າທີ່ ຍີ່ປຸ່ນ ໃຫ້ຮູ້ວ່າ: ໃນ 3 ວັນສຸດທ້າຍຂອງການເຈລະຈານີ້, ຢູ່ ມາເລເຊຍ, ຄະນະຜູ້ແທນ ຍີ່ປຸ່ນ ພຽງແຕ່ເຂົ້າຮ່ວມການເຈລະຈາກ່ຽວກັບສິດຊັບສິນທາງປັນຍາ, ສະພາບແວດລ້ອມ, ບັນຫານິຕິກຳ ແລະ ລະບຽບກົດໝາຍເທົ່ານັ້ນ, ແຕ່ບໍ່ສາມາດເຈລະຈາກ່ຽວກັບການສຳພັດກັບຕະຫຼາດ ຍ້ອນບັນຫານີ້ໄດ້ປະຕິບັດສຳເລັດໃນການເຈລະຈາເມື່ອວັນທີ 19/7 ແລ້ວ. ລັດຖະບານ ຍີ່ປຸ່ນ ພວມຊອກຫາວິທີລົບລ້າງບັນດາຮົ້ວກີດຂວາງການຄ້າ ເພື່ອແນໃສ່ຊຸກຍູ້ການສົ່ງອອກ ລົດໂອໂຕ ແລະ ສິນຄ້າປະດິດສ້າງອື່ນໆ, ແຕ່ຍັງໃຫ້ຄຳໝັ້ນສັນຍາປົກປ້ອງບັນດາຜະລິດຕະພັນກະເສດພາຍໃນປະເທດ ດ້ວຍວິທີເກັບພາສີຂາເຂົ້າສຳລັບສິນຄ້າປະເພດນີ້. ຄາດວ່າ, ຄະນະເຈລະຈາ ຍີ່ປຸ່ນ ຈະດຳເນີນກອງປະຊຸມສະເພາະກັບຄະນະເຈລະຈາປະເທດຕ່າງໆ ເພື່ອຮັບຂໍ້ມູນຂ່າວ ແລະ ອະທິບາຍທັດສະນະຂອງ ໂຕກຽວ.