ທ່ານ ຫງວຽນດຶກຈູງ ແລະ ທ່ານ Sugi Ryotaro
(ພາບ: NguyenPhuong/HNM)
(vovworld) - ຕອນບ່າຍວັນທີ 02/03 ຢູ່ຮ່າໂນ້ຍ, ທ່ານ ຫງວຽນດຶກຈູງ ປະທານຄະນະກຳມະການປະຊາຊົນນະຄອນ ຮ່າໂນ້ຍ ມີການເຮັດວຽກກັບທ່ານ Sugi Ryotaro ທູດພິເສດ ຫວຽດນາມ - ຍີ່ປຸ່ນ. ນະທີ່ນີ້ 2 ຝ່າຍໄດ້ແລກປ່ຽນກ່ຽວກັບວຽກງານປ້ອງກັນຕ້ານໄພທຳມະຊາດ ແລະ ອັກຄີໄພ. ທ່ານ Sugi Ryotaro ໃຫ້ຮູ້ວ່າ ຍີ່ປຸ່ນ ພ້ອມແລ້ວທີ່ຈະໜູນຊ່ວຍ ຫວຽດນາມ ກໍ່ສ້າງ, ອົບຮົມວຽກງານປ້ອງກັນຕ້ານອັກຄີໄພ ແລະ ໄພທຳມະຊາດ. ທ່ານເອກອັກຄະລັດຖະທູດ Sugi Ryotaro ໃຫ້ຮູ້ວ່າ ຍີ່ປຸ່ນ ກໍ່ປາດຖະໜາຢາກໜູນຊ່ວຍ ຮ່າໂນ້ຍ ດ້ານເຕັກນິກກ້າວໜ້າທີ່ສຸດໃນຂົງເຂດກຳຈັດມົນລະພິດອາກາດ, ຊັບພະຍາກອນນ້ຳ…ປະກອບສ່ວນສ້າງສະພາບແວດລ້ອມແຫ່ງການດຳລົງຊີວິດໃຫ້ປອດໄພ, ປອດໄສແກ່ນະຄອນຫລວງ ຮ່າໂນ້ຍ.
ສ່ວນທ່ານປະທານຄະນະກຳມະການປະຊາຊົນ ຮ່າໂນ້ຍ ຫງວຽນດຶກຈູງ ແບ່ງປັນວ່າ ຫວຽດນາມ ເວົ້າລວມ, ນະຄອນຫລວງ ຮ່າໂນ້ຍ ເວົ້າສະເພາະ ມີຄວາມສົນໃຈເຖິງວຽກງານຮັບມືກັບການປ່ຽນແປງຂອງດິນຟ້າອາກາດ ແລະ ປ້ອງກັນຕ້ານໄພທຳມະຊາດ. ທ່ານປະທານຄະນະກຳມະການປະຊາຊົນນະຄອນ ຮ່າໂນ້ຍ ປາດຖະໜາວ່າ ຍີ່ປຸ່ນ ຈະແບ່ງປັນບົດຮຽນໃຫ້ແກ່ ຮ່າໂນ້ຍ, ພ້ອມທັງໜູນຊ່ວຍພາຫະນະ, ອຸປະກອນຮັບໃຊ້ວຽກງານປ້ອງກັນຕ້ານອັກຄີໄພ, ຮັບມືກັບການປ່ຽນແປງຂອງດິນຟ້າອາກາດ.