ບັນດາຜູ້ແທນເຂົ້າຮ່ວມກອງປະຊຸມ
|
(vovworld) - ຕອນເຊົ້າວັນທີ 28/9, ຢູ່ຮ່າໂນ້ຍ, ຄະນະໂຄສະນາສຶກສາສູນກາງໄດ້ຈັດຕັ້ງກອງປະຊຸມກັບຜູ້ຕາງໜ້າບັນດາການນຳກະຊວງ, ຄະນະ, ຂະແໜງການກ່ຽວກັບການປະຕິບັດແຜນການ 03 ຂອງຄະນະເລຂາສູນກາງພັກກ່ຽວກັບ “ການປະຕິບັດຄຳສັ່ງເລກທີ 05 ຂອງກົມການເມືອງ ກ່ຽວກັບການຍູ້ແຮງການຮຳ່ຮຽນ ແລະ ປະຕິບັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດ ໂຮ່ຈີມິນ”. ກ່າວຄຳເຫັນທີ່ກອງປະຊຸມ, ທ່ານຮອງຫົວໜ້າຄະນະໂຄສະນາສຶກສາສູນກາງ ມາຍວັນນີງ ເນັ້ນໜັກວ່າ: ໄລຍະຈະມາເຖິງ, ບັນດາທ້ອງຖິ່ນ, ຄະນະ, ຂະແໜງການສືບຕໍ່ຊາບຊຶມຈິດໃຈຂອງຄຳສັ່ງເລກທີ 05, ຖືນີ້ແມ່ນວຽກງານປະຈຳຂອງບັນດາອົງການຈັດຕັ້ງພັກ, ຫົວໜ່ວຍ, ສຸມໃສ່ແກ້ໄຂບັນດາບັນຫາເຄັ່ງຮ້ອນຂອງອົງການ, ຫົວໜ່ວຍ, ບັນດາວຽກງານທີ່ອົງການ, ຫົວໜ່ວຍພວມເອົາໃຈໃສ່. ໄລຍະຈະມາເຖິງ, ບັນດາອົງການໂຄສະນາສຶກສາສູນກາງ ກໍ່ສືບຕໍ່ຍູ້ແຮງການໂຄສະນາຢ່າງອຸດົມສົມບູນ, ເປັນປະຈຳ, ຕໍ່ເນື່ອງ, ເພີ່ມທະວີການຕິດຕາມກວດກາການປະຕິບັດຄຳສັ່ງດັ່ງກ່າວເພື່ອໃຫ້ການຮຳ່ຮຽນກ້າວສູ່ຊີວິດຕົວຈິງ.