(vovworld) - ຕອນເຊົ້າວັນທີ 26/7, ຢູ່ ຮ່າໂນ້ຍ, ສະຖາບັນການເມືອງ - ການປົກຄອງແຫ່ງຊາດ ໂຮ່ຈີມິນ ໄດ້ຈັດຕັ້ງພິທີອັດຊຸດຝຶກອົບຮົມພະນັກງານຫຼັກແຫຼ່ງຊຸດທີ 1 ປີ 2013.
ກ່າວຄຳເຫັນທີ່ພິທີ, ທ່ານເລຂາທິການໃຫຍ່ຄະນະບໍລິຫານງານພັກກອມມູນິດ ຫວຽດນາມ ຫງວຽນຟູ໋ຈ້ອງ ເນັ້ນໜັກວ່າ: ກ້າວເຂົ້າສູ່ໄລຍະພັດທະນາໃໝ່, ຫວຽດນາມ ອາດຈະຍືນຢູ່ຢ່າງໝັນຄົງ ແລະ ສາມາດກ້າວຂຶ້ນໄດ້ຫຼືບໍ່, ແມ່ນຕ້ອງອີງໃສ່ຂອບຂະໜາດ ແລະ ຄຸນນະພາບແຫຼ່ງຊັບພະຍາກອນມະນຸດ, ໃນນັ້ນ, ກ່ອນອື່ນໝົດແມ່ນຖັນແຖວພະນັກງານການນຳ, ຄຸ້ມຄອງຫຼັກແຫຼ່ງຂອງຂະແໜງການ, ຂັ້ນຕ່າງໆ, ບັນດາໝູ່ຄະນະການເມືອງ - ສັງຄົມ. ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຕັກເຕື່ອນວ່າ ໝາກຜົນທີ່ບັນລຸໄດ້ຜ່ານຊຸດຝຶກອົບຮົມໃນຄັ້ງນີ້ ພຽງແຕ່ແມ່ນຈຸດເລີ່ມຕົ້ນໃຫ້ແກ່ວິວັດການສຸ້ຊົນ, ຝຶກຝົນຫຼໍ່ຫຼອມອັນຍາວນານ, ເປັນປະຈຳຂອງພະນັກງານເທົ່ານັ້ນ. ທ່ານກ່າວວ່າ:
“ຕ້ອງກຳນົດການຮຳ່ຮຽນ, ຝຶກຝົນຫຼໍ່ຫຼອມດ້ວຍຕົນເອງແມ່ນວຽກງານເປັນປະຈຳ, ວຽກງານຕ້ອງປະຕິບັດໃນຕະຫຼອດຊີວິດ ຍ້ອນວ່າພຶດຕິກຳຕົວຈິງຍາມໃດກໍ່ເຄື່ອນເໜັງ, ທິດສະດີຂະຫຍາຍຕົວຢ່າງບໍ່ຢຸດຢັ້ງ. ບັນດາສະຫາຍເຂົ້າຮ່ວມຊຸດຮຽນນີ້ ໄດ້ຮັບຄວາມຮູ້ເພີ່ມເຕີມ, ຄວາມສາມາດຄຸ້ມຄອງຕື່ມອີກ, ຫວັງວ່າພວກສະຫາຍຈະປະຕິບັດໜ້າທີ່ວຽກງານທີ່ໄດ້ຮັບມອບໝາຍໃຫ້ສຳເລັດ, ພ້ອມທັງແມ່ນແບບຢ່າງທີ່ໃສແຈ້ງກ່ຽວກັບຈິດໃຈຮຳ່ຮຽນ, ຝຶກຝົນຫຼໍ່ຫຼອມຄຸນນະທາດດ້ານການເມືອງເປັນປະຈຳ ສົມກັບຄວາມໄວ້ເນື້ອເຊື່ອໃຈ ແລະ ຄວາມເອົາໃຈໃສ່ຂອງສູນກາງພັກ ແລະ ລັດຖະບານ.”