ທີ່ປຶກສາດ້ານປ້ອງກັນຄວາມສະຫງົບແຫ່ງຊາດອາເມລິກາຢ້ຽມຢາມຈີນ
ທີ່ປຶກສາດ້ານປ້ອງກັນຄວາມສະຫງົບແຫ່ງຊາດອາເມລິກາ ທ່ານນາງ Susan Rice
ພົບປະກັບທ່ານປະທານປະເທດຈີນ ສີຈິ້ນຜິງ
(ພາບ: tinmoi.vn)
(vovworld) – ວັນທີ 28/08, ທີ່ປຶກສາດ້ານປ້ອງກັນຄວາມສະຫງົບແຫ່ງຊາດອາເມລິກາ ທ່ານນາງ Susan Rice ໄດ້ໄປຢ້ຽມຢາມຈີນ ແລະ ມີການພົບປະກັບທ່ານປະທານປະເທດຈີນ ສີຈິ້ນຜິງ, ຢູ່ປັກກິງ, ໃນສະພາບທີ່ 2 ຝ່າຍພວມກະກຽມຂັ້ນຕອນສຸດທ້າຍໃຫ້ການຢ້ຽມຢາມອາເມລິກາຂອງທ່ານ ສີຈິ້ນຜິງ
ໃນເດືອນ 09 ຈະມາເຖິງ. ຕາມສຳນັກຂ່າວສານ AP ແລ້ວ, ທີ່ການພົບປະ, ທ່ານປະທານປະເທດ ສີຈິ້ນຜິງ
ຊີ້ແຈ້ງຄວາມປາດຖະໜາຢາກສືບຕໍ່ການເຈລະຈາກັບທ່ານປະທານາທິບໍດີອາເມລິກາ Barack Obama ເພື່ອແນໃສ່ແລກປ່ຽນບັນດາບັນຫາສຳຄັນທີ່ຕ່າງຝ່າຍຕ່າງມີຄວາມສົນໃຈ. ທ່ານປະທານປະເທດ ສີຈິນພິງ ເນັ້ນໜັຫວ່າ, ຈີນ ຢາກສົມທົບກັບອາເມລິກາ ເພື່ອແນໃສ່ຮັບປະກັບໃຫ້ການພົວພັນ 2 ຝ່າຍ ພັດທະນາຢ່າງມີສະຖຽນລະພາບ ແລະ ໝັ້ນຄົງ, ພ້ອມທັງຕ້ອງແກ້ໄຂບັນດາບັນຫາສະດຸ້ງໄວຢ່າງມີປະສິດທິຜົນລະຫວ່າງປັກກິງ ແລະ ວໍຊິງຕັນ.
ສ່ວນທ່ານນາງ Susan Rice ເນັ້ນໜັກວ່າ, ການຢ້ຽມຢາມອາເມລິກາ ຂອງທ່ານປະທານປະເທດ ສີຈິ້ນຜິງ
ໃນໄລຍະຈະມາເຖິງ ແມ່ນຂີດໝາຍເຮັດໃຫ້ການຮ່ວມມື ກໍຄືເພີ່ມທະວີການພົວພັນລະຫວ່າງ 2 ປະເທດໃຫ້ເລິກເຊິ່ງກວ່າອີກ. ທ່ານນາງ Susan Rice ກໍເຕື້ອງເຖິງບັນດາຄວາມບໍ່ລົງລອຍກັນ ແລະ ຄວາມຫຍຸ້ງຍາກບາງຢ່າງ ເຊິ່ງ 2 ຝ່າຍຕ້ອງແກ້ໄຂ, ພ້ອມທັງເນັ້ນໜັກວ່າ, ອາເມລິກາ ແລະ ຈີນ ຈະສືບຕໍ່ມານະພະຍາຍາມໃນວິວັດການນີ້.