ທ່ານປະທານປະເທດ ເຈືອງເຕີ້ນຊາງ ຢ້ຽມຢາມບໍລິສັດໃຫຍ່ ເຕິນກາງໄຊງອ່ນ
ທ່ານປະທານປະເທດຫວຽດນາມເຈືອງເຕີ້ນຊາງ ໄດ້ລົງຢ້ຽມຢາມ ບໍລິສັດໃຫຍ່ ເຕິນກາງໄຊງອ່ນ (ພາບ : TTXVN)
|
|
Vovworld- ຕອນເຊົ້າວັນທີ 16/2, ທ່ານປະທານປະເທດຫວຽດນາມເຈືອງເຕີ້ນຊາງ ໄດ້ລົງຢ້ຽມຢາມ ແລະ ເຮັດວຽກກັບພະນັກງານ, ກຳມະກອນ, ນັກຮົບສັງກັດບໍລິສັດໃຫຍ່ ເຕິນກາງໄຊງອ່ນ ທີ່ຂຶ້ນກັບເຫຼົ່າທັບເຮືອຫວຽດນາມ. ເມື່ອໂອ້ລົມກັບ ພະນັກງານ, ກຳມະກອນ, ນັກຮົບສັງກັດບໍລິສັດໃຫຍ່ ເຕິນກາງໄຊງອ່ນ, ທ່ານປະທານປະເທດຫວຽດນາມເຈືອງເຕີ້ນຊາງ ເນັ້ນໜັກວ່າ : ທາງບໍລິສັດໃຫຍ່ຕ້ອງສູ້ຊົນນຳໜ້າໃນຂົງເຂດຂຸດຄົ້ນທ່າກຳປັ່ນ ແລະ ການບໍລິການຕ່າງໆ, ຕ້ອງລົງທຶນແບບລົງເລິກເພື່ອຫຼຸດຜ່ອນຄ່າຂົນສົ່ງສິນຄ້າເພື່ອປະກອບສ່ວນເຂົ້າໃນການເຕີບໂຕເສດຖະກິດຂອງປະເທດຊາດ ແລະ ສາມາດແກ່ງແຍ້ງກັບທ່າກຳປັ່ນໃຫຍ່ຕ່າງໆໃນພາກພື້ນ. ບໍລິສັດໃຫຍ່ ເຕິນກາງໄຊງອ່ນຕ້ອງຮັບຜິດຊອບບົດບາດເປັນປະຖົມປັດໄຈເພື່ອໃຫ້ວິສາຫະກິດຫວຽດນາມນັບພັນແຫ່ງມຸ່ງໜ້າສູ່ທະເລ, ເຊື່ອງໂຍງເຂົ້າກັບ ບັນດາພື້ນຖານ ເສດຖະກິດໃນພາກພື້ນ ແລະ ໂລກຢ່າງວ່ອງໄວ. ໃນໄລຍະທີ່ຈະມາເຖິງ, ບໍລິສັດໃຫຍ່ ເຕິນກາງໄຊງອ່ນ ຄວນສືບຕໍ່ປ່ຽນໃໝ່ເຕັກໂນໂລຢີທີ່ກ້າວໜ້າກ່ວາ, ຫຼຸດຜ່ອນເວລາຂົນຖ່າຍສິນຄ້າ, ພ້ອມທັງຊອກຫາມາດຕະການແກ້ໄຂເພື່ອຫຼຸດຜ່ອນຄ່າຂົນສົ່ງ.... ທັງນີ້ກໍເພື່ອຍົກສູງປະສິດທິຜົນໃນການຜະລິດດຳເນີນທຸລະກິດ . ທ່ານປະທານປະເທດຫວຽດນາມເຈືອງເຕີ້ນຊາງ ເວົ້າວ່າ :
“ປະເທດພວກເຮົາມີຝັ່ງທະເລຍາວເກືອບ 4.000 ກມ ບັນຫາພັດທະນາການບໍລິການທ່າກໍ່າປັ່ນ, ພັດທະນາການເດີນທະເລແມ່ນຕ້ອງເປັນໄປ. ນີ້ແມ່ນທ່າແຮງ, ພວກເຮົາມີມະຕິຫົວເລື່ອງຂອງສູນກາງກ່ຽວກັບຍຸດທະສາດທະເລ, ບັນດາໝາກຜົນຂອງນີ້ແມ່ນການເຂົ້າຮ່ວມໂດຍກົງເຂົ້າໃນການປະຕິບັດມະຕິສູນກາງກ່ຽວກັບຍຸດທະສາດທະເລ. ເນື່ອງໃນໂອກາດບຸນປີໃໝ່, ຂ້າພະເຂົ້າຕາງໜ້າໃຫ້ການນຳພັກ, ລັດ ຊົມເຊີຍຜົນງານເຊິ່ງບໍລິສັດບັນລຸໄດ້ ແລະ ສະແດງຄວາມໄວ້ເນື້ອເຊື່ອໃຈຕໍ່ບັນດາສະຫາຍ ທີ່ໄດ້ປະກອບສ່ວນສຳຄັນເຂົ້າໃນວິວັດການສ້າງສາຂະແໜງຂົນສົ່ງທາງທະເລ, ພິເສດແມ່ນການບໍລິການຂອງຫວຽດນາມ, ຕອບສະໜອງຄວາມຮຽກຮ້ອງຕ້ອງການພັດທະນາໃໝ່ຂອງປະເທດຊາດ.”