ທ່ານປະທານປະເທດ ເຈືອງເຕີນຊາງ ສິ້ນສຸດການຢ້ຽມຢາມທາງລັດຖະກິດ ຈີນ

ວັນສຸກ ທີ 21 ມິຖຸນາ ຄ.ສ. 2013 | 16:28:42

(ທ່ານປະທານປະເທດຫວຽດນາມ ເຈືອງເຕີນຊາງ
ຢ້ຽມຢາມສະຖານທູດຫວຽດນາມ ປະຈຳຈີນ)

(vovworld) - ຕອນຄ່ຳວັນທີ 21/6, ທ່ານປະທານປະເທດ ເຈືອງເຕີນຊາງ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ອອກຈາກນະຄອນຫຼວງ ກວາງເຈົາ, ສິ້ນສຸດການຢ້ຽມຢາມທາງລັດຖະກິດປະເທດ ຈີນ. ກ່ອນໜ້ານັ້ນຄືໃນຕອນເຊົ້າວັນທີ 21/06, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ໄປຢ້ຽມຢາມ ແລະໂອ້ລົມກັບພະນັກງານ, ພາລະກອນສະຖານທູດຫວຽດນາມ ປະຈຳຈີນ ແລະ ຜູ້ຕ່າງໜ້າງປະຊາຄົມຊາວຫວຽດນາມ ຢູ່ປັກກິງ. ນະທີ່ນີ້, ທ່ານປະທານປະເທດ ເຈືອງເຕີນຊາງ ໄດ້ຕີລາຄາສູງບັນດາຄວາມມານະພະຍາຍາມຂອງພະນັກງານ, ພາລະກອນສະຖານທູດ ໃນໄລຍະຜ່ານມາ, ພິເສດແມ່ນປະກອບສ່ວນເຂົ້າໃນຜົນສຳເລັດລວມການຢ້ຽມຢາມຈີນ ຂອງຄະນະ. ທ່ານປະທານປະເທດ ເຈືອງເຕີນຊາງ ໃຫ້ຮູ້ວ່າ ການຢ້ຽມຢາມບັນລຸໄດ້ບັນດາຜົນງານສຳຄັນ, ໂດຍສະເພາະແມ່ນຢືນຢັນ ແລະ ພັດທະນາບັນດາສະຕິຮັບຮູ້ລວມໃນບັນດາສຳຄັນຂອງ 2 ປະເທດ, ແມ່ນແນວຄິດຊີ້ນຳໃຫ້ແກ່ການພົວພັນລະຫວ່າງ 2 ປະເທດໃນທຸກຂົງເຂດໃນໄລຍະຈະມາເຖິງ. ແຕ່ວ່າ, ເພື່ອຫັນບັນດາຂໍ້ຕົກລົງລະຫວ່າງການນຳຂັ້ນສູງ 2 ປະເທດໃຫ້ປະກົດຜົນເປັນຈິງ ຮຽກຮ້ອງໃຫ້ຕ້ອງມີຄວາມຕັດສິນໃຈ ແລະ ຄວາມມານະພະຍາຍາມສູງຂອງທັງ 2 ຝ່າຍຈີນ ແລະ ຫວຽດນາມ. ທ່ານເຈືອງເຕີນຊາງ ກ່າວວ່າ.

“ສະຖານທູດຫວຽດນາມ, ວິສາຫະກິດຫວຽດນາມ ຢູ່ປັກກິງ ເວົ້າສະເພາະ ແລະ ຢູ່ຈີນເວົ້າລວມ, ປະຊາຄົມຊາວຫວຽດນາມອາໄສຢູ່ປັນກິງເວົ້າສະເພາະ ແລະ ຢູ່ຈີນເວົ້າລວມ ຕ້ອງປະກອບສ່ວນໂດຍກົງ ຫຼືທາງອ້ອມ, ຜັນຂະຫຍາຍບັນດາຂໍ້ຕົກລົງໃນສະພາບຕົວຈິງຢ່າງມີປະສິດທິຜົນ. ສິ່ງນັ້ນແມ່ນສຳຄັນທີ່ສຸດ, ນຳມາເຊິ່ງຜົນປະໂຫຍດໂດຍກົງໃຫ້ແກ່ຕົນ ກໍຄືໃຫ້ເພື່ອນ, ຍິ່ງກວ່ານັ້ນສິ່ງດັ່ງກ່າວຈະສົ່ງຜົນກະທົບຢ່າງແຮງ, ສຳຄັນ ຍາວນານ, ປັບປຸງ ແລະ ເພີ່ມທະວີຄວາມໄວ້ເນື້ອເຊື່ອໃຈທາງດ້ານການເມືອງ, ລະຫວ່າງ 2 ພັກ, 2 ລັດຢ່າງແນວແນ່ກວ່າ”.

ເນື່ອງໃນໂອກາດການຢ້ຽມຢາມທາງລັດຖະກິດປະເທດ ຈີນຂອງທ່ານປະທານ ປະເທດເຈືອງເຕີນຊາງສິ້ນສຸດລົງ, ວັນທີ 21/6, 2 ຝ່າຍໄດ້ອອກຖະແຫຼງການ ຮ່ວມຫວຽດນາມ-ຈີນ.

ຖະແຫຼງການຮ່ວມຫວຽດນາມ-ຈີນເນັ້ນໜັກວ່າ 2 ຝ່າຍໄດ້ທົບທວນຄືນ ວິວັດການພັດທະນາການພົວພັນຫວຽດນາມ-ຈີນ, ເປັນເອກະສັນກັນຖືວ່າ ນ້ຳໃນມິດຕະພາບ ຫວຽດນາມ-ຈີນແມ່ນຊັບສົມບັດລວມອັນລ້ຳຄ່າຂອງ ປະຊາຊົນ 2 ປະເທດ ແລະ ຢຶນຢັນວ່າ ຈະປະຕິບັດຕາມການຮັບຮູ້ລວມທີ່ສຳຄັນຊຶ່ງການນຳ 2 ປະເທດບັນລຸໄດ້ໃນຊຸມປີທີ່ຜ່ານມາກ່ຽວກັບການພັດທະນາການພົວພັນໃດຕະພາບ ຫວຽດນາມ-ຈີນ. 2 ຝ່າຍເປັນເອກະສັນກັນ ຖືການພັດທະນາຂອງປະເທດໜຶ່ງແມ່ນກາລະໂອກາດພັດທະນາຂອງປະເທດ ຕົນ, ເຮັດໃຫ້ການຮ່ວມມືຍຸດທະສາດຮອບດ້ານ ເລິກເຊິ່ງຂຶ້ນຕື່ມດ້ວຍຈຸມສຸມໃນຂົງເຂດຕ່າງໆຄື: ຮັກສາການພົບປະຂັ້ນສູງ, ສືບຕໍ່ນຳໃຊ້ກົນໄກປະຊຸມ ຄະນະ ກຳມະການຊີ້ນຳການຮ່ວມມື 2 ຝ່າຍເປັນຢ່າງດີ. 2 ຝ່າຍ ເປັນເອກະສັນ ພ້ອມກັນປະຕິບັດ“ ໂຄງການເຄື່ອນໄຫວຜັນຂະຫຍາຍການພົວພັນຄູ່ຮ່ວມມື ແລະ ການຮ່ວມມືຍຸດທະສາດຮອບດ້ານ ຫວຽດນາມ-ຈີນ ” ຊຶ່ງໄດ້ຮັບການລົງນາມໃນການຢ້ຽມຢາມຄັ້ງນີ້ເປັນຢ່າງດີ, ຊຸກຍູ້ການຮ່ວມມືທີ່ແທດຈິງລະຫວ່າງ 2 ປະເທດໃຫ້ບັນລຸຄວາມຄືບໜ້າໃໝ່.

ທາງດ້ານເສດຖະກິດ, ຫວຽດນາມ-ຈີນ ເປັນເອກະສັນກັນເພີ່ມທະວີການປະສານງານຍຸດທະສາດກ່ຽວກັບການພັດທະນາເສດຖະກິດ, ປະຕິບັດ“ ແຜນກຳນັດພັດທະນາໄລຍະ 5 ປີແຫ່ງການຮ່ວມມືດ້ານເສດຖະກິດການຄ້າ ຫວຽດນາມ-ຈີນໄລຍະ 2012-2016” ແລະ ສາລະບານບັນດາໂຄງການຮ່ວມມືທີ່ສຳຄັນ ເປັນຢ່າງດີ, ຊຸກຍູ້ການຮ່ວມມືໃນທຸກໆຂົງເຂດຍິ່ງກ່ວາອີກ, ສູ້ຊົນບັນລຸຈຸດໝາຍເຖິງປີ 2015 ຍົກວົງເງິນການຄ້າ 2 ຝ່າຍບັນລຸ 60 ຕື້ USD . 2 ຝ່າຍຍັງ ເປັນເອກະສັນກັນຮ່ວມມືໃນຂັງເຂດອື່ນໆຄື : ກະສີກຳ, ວັດທະນະທຳ, ສຶກສາ, ວິທະຍາສາດ, ເຕກໂນໂລຢີ.....

ສຳລັບບັນດາຊາຍແດນ, ຜືນແຜ່ນດິນ, 2 ຝ່າຍເປັນເອກະສັນກັນປະຕິບັດ ແຜນງານປີ 2013 ຂອງຄະນະກຳມະການປະສົມກ່ຽວກັບຊາຍແດນທາງບົກ ລະຫວ່າງ 2 ປະເທດ. ດຳເນີນການກໍ່ສ້າງຂົວ ເປລວນ 2 ຫວຽດນາມ-ຈີນ. 2 ຝ່າຍເປັນເອກະສັນກັນຈັດການເຈລະຈາຮອບໃໝ່ “ ສັນຍາກ່ຽວກັບຂໍ້ກຳນົດການເດີນເຮືອຢ່າງເສລີຢູ່ບໍລິເວນປາກແມ່ນ້ຳເປລວນ. ສັນຍາກ່ຽວກັບການຮ່ວມມື ແລະ ຂຸດຄົ້ນພັດທະນາການທ່ອງທ່ຽວໃນບໍລິເວນນ້ຳຕົກຕາດ ບ້ານຢົກ ໃນ 6 ເດືອນທ້າຍປີນີ້. 2 ຝ່າຍ ເປັນເອກະສັນກັນສືບຕໍ່ປະຕິບັດ“ ສັນຍາຮ່ວມມືດ້ານອາຊີບການປະມົງໃນເຂດອ່າວພາກເໜືອເປັນຢ່າງດີ.

2 ຝ່່າຍຍັງແລກປ່ຽນຄຳເຫັນຢ່າງຈິງໃຈກົງໄປກົງມາກ່ຽວກັບບັນຫາທະເລ, ເປັນເອກະສັນກັນຕໍ່ເລື່ອງການນຳ 2 ພັກ, 2 ລັດຮັກສາການແລກປ່ຽນ ແລະ ສົນທະນາເປັນປະຈຳກ່ຽວກັບບັນຫາທະເລລະຫວ່າງ ຫວຽດນາມ-ຈີນ. 2 ຝ່າຍຈະປະຕິບັດ“ ຂໍ້ຕົກລົງກ່ຽວກັບບັນດາຫຼັກການພື້ນຖານຊີ້ນຳການແກ້ໄຂບັນຫາບົນທະເລລະຫວ່າງ ຫວຽດນາມ-ຈີນ” ຢ່າງເຂັ້ມງວດ. 2 ຝ່າຍ ເປັນເອກະສັນກັນເພີ່ມທະວີການເຈລະຈາຂອງໜ່ວຍງານນັກວິຊາການກ່ຽວກັບການຮ່ວມມືໃນບັນດາຂົງເຂດບໍ່ສະດຸ້ງໄວປານໃດບັນທະເລ ຫວຽດນາມ-ຈີນ, ສືບຕໍ່ຊຸກຍູ້ການຮ່ວມມືໃນບັນດາຂົງເຂດປົກປັກຮັກສາຮັກສາສິ່ງແວດລ້ອມທະເລ, ຄົ້ນຄ້ວາວິທະຍາສາດທະເລ, ຊອກຫາກູ້ໄພກູ້ຊີບບົນທະເລ, ປ້ອງກັນ ແລະ ຕ້ານໄພທຳມະຊາດ ແລະ ເຊື່ອມຕໍ່ຄົມມະນາຄົມບົນທະເລ... 2 ຝ່າຍ ເປັນເອກະສັນກັນປະຕິບັດຖະແຫຼງການກ່ຽວກັບວິທີການປະພຶດຂອງຝ່າຍຕ່າງໆຢູ່ທະເລຕາເວັນອອກ” DOC ຢ່າງມີປະສິດທິຜົນ, ພ້ອມກັນຮັກສາສັນຕິພາບ ແລະ ສະຖຽນລະພາບຢູ່ທະເລຕາເວັນອອກ.