(ທ່ານປະທານປະເທດ ເຈືອງເຕີນຊາງ)
(vovworld) - ໂດຍສືບຕໍ່ການໄປປະຕິບັດງານຢູ່ບັນດາແຂວງທາງພາກກາງ, ຕອນເຊົ້າວັນທີ 03/03, ທ່ານປະທານປະເທດ ເຈືອງເຕີນຊາງ ໄດ້ລົງຢ້ຽມຢາມໂຮງໝໍສູນກາງເຫ໋ວ, ເຂົ້າຮ່ວມພິທີສະເຫຼີມສະຫຼອງວັນທ່ານໝໍຫວຽດນາມ (27/02) ແລະມອບນາມມະຍົດ ວິລະຊົນແຮງງານໄລຍະປ່ຽນໃໝ່ໃຫ້ແກ່ ສາດສະດາຈານ, ປະລິຍາເອກ, ແພດໝໍປະຊາຊົນ ບຸ່ຍດຶກຟຸ໋, ຫົວໜ້າໂຮງໝໍສູນກາງເຫ໋ວ. ກ່າວຄຳເຫັນທີ່ພິທີ, ທ່ານປະທານປະເທດ ໄດ້ເນັ້ນໜັກວ່າ; ຍາມໃດ ພັກ, ລັດ ຫວຽດນາມກໍເອົາໃຈໃສ່ ແລະ ຖືການປົກປ້ອງ, ເບິ່ງແຍງດູແລສຸຂະພາບໃຫ້ແກ່ປະຊາຊົນແມ່ນໜ້າທີ່ຍຸດທະສາດສຳຄັນ. ແລະ ເພື່ອປະຕິບັດບັນດາໜ້າທີ່ທີ່ໄດ້ຮັບໄຊຊະນະນີ້, ຂະແໜງສາທາລະນະສຸກ, ຖັນແຖວ ທ່ານໝໍຕ້ອງຮັບໜ້າທີ່ອັນໜັກໜ່ວງ ແຕ່ພັດສະຫງ່າລາສີ.
“ຂະແໜງສາທາລະນະສຸກຕ້ອງສືບຕໍ່ເອົາໃຈໃສ່ ປັບປຸງເຄືອຂ່າຍສາທາລະນະສຸກຂັ້ນຮາກຖານ, ຍົກສູງຄວາມສາມາດຂອງບັນດາສຸກສາລາ, ໂຮງໝໍຂັ້ນເມືອງ, ຍົກສູງໂຮງໝໍຂັ້ນແຂວງ ແລະ ຂັນສູນກາງ, ບົນພື້ນຖານລັດເພີ່ມທະວີການລົງທຶນ, ພ້ອມທັງຍູ້ແຮງເລື່ອງເຫັນເປັນວຽກງານສັງຄົມ, ພັດທະນາລະບົບສາທາລະນະສຸກພາກລັດ ແລະ ພາກເອກະຊົນ. ຍົກສູນຄຸນສົມບັດ, ຕໍ່ສູ້ຍູ້ໃຫ້ໄພຫຍໍ້ທໍ້ໃນການກວດ, ບິນປົວພະຍາດໃຫ້ຖ້ອຍໄປ; ສ້າງພື້ນຖານສາທາລະນະສຸກວິທະຍາຫວຽດນາມ ໃຫ້ກ້າວໜ້າ ແລະ ທັນສະໄໝ ທັດທຽມກັບລະດັບຂອງບັນດາປະເທດທີ່ມີພື້ນຖານການແພດວິທະຍາສາດ ທີ່ກ້າວໜ້າໃນພາກພື້ນ ແລະ ຢູ່ໃນໂລກ.”
ແລະໃນວັນທີ 02/03, ທ່ານປະທານປະເທດ ເຈືອງເຕີນຊາງ ໄດ້ມີການເຮັດວຽກກັບແຂວງ ກວາງຈິ້ ກ່ຽວກັບສະພາບການປະຕິບັດໜ້າທີ່ເສດຖະກິດສັງຄົມ ແລະ ຮັບປະກັນປ້ອງກັນຊາດ ປ້ອງກັນຄວາມສະຫງົບໃນບໍລິເວັນແຂວງ. ໃນການເຮັດວຽກກັບການນຳຫຼັກແຫຼ່ງແຂວງກວາງຈິ້, ທ່ານປະທານປະເທດ ເນັ້ນໜັກວ່າ, ແຂວງກາງຈິ້ ມີຄວາມສາມາດບົມຊ້ອນຫຼາຍຢ່າງຄື: ດ້ານການຄ້າ, ການບໍລິການ, ການທ່ອງທ່ຽວ ໂດຍສະເພາະແມ່ນມີດ່ານຊາຍແດນທີ່ເຊື່ອມຕໍ່ກັບບັນດາປະເທດອາຊຽນ. ເພາະສະນັ້ນ, ແຂວງຕ້ອງມີມາດຕະການ ແລະ ຂໍ້ສະເໜີເພື່ອພ້ອມກັບສູນກາງແກ້ໄຂບັນດາຄວາມບໍ່ລົງລອຍກັນ, ພ້ອມທັງສົມທົບກັບປະເທດຕ່າງໆທີ່ມີເສັ້ນຊາຍແດນຮ່ວມ ແກ້ໄຂຂໍ້ຕິດຂັດໃນການຂົນສົ່ງສິນຄ້າ, ແນໃສ່ເສີມຂະຫຍາຍແລວເສດຖະກິດສຳຄັນນີ້. ທ່ານປະທານປະເທດ ເຈືອງເຕີນຊາງ ສະເໜີວ່າ ຈາກບັນດາຮູບແບບຜະລິດກຳສິກຳ, ອຸດສາຫະກຳທີ່ພັດທະນາຢ່າງມີປະສິດທິຜົນ, ແຂວງ ກວາງຈິ້ ຕ້ອງຖອດຖອນເອົາບົດຮຽນ ແລະ ຜັນຂະຫຍາຍໂດຍໄວ ເພື່ອປະຕິບັດສຳເລັດໜ້າທີ່ພັດທະນາທີ່ໄດ້ວາງອອກ.
ກ່ອນໜ້ານັ້ນ, ທ່ານປະທານປະເທດ ເຈືອງເຕີນຊາງ ໄດ້ໄປຊອກຮູ້ຮູບແບບກໍ່ສ້າງຊົນນະບົດໃໝ່ຢູ່ຕາແສງ ວິ້ງແທກ. ທ່ານປະທານປະເທດຊີ້ແຈ້ງວ່າ ຄຽງຂ້າງການລົງທຶນຂອງກລັດແລ້ວ, ຕ້ອງຮູ້ດຶງດູດແຫຼ່ງກຳລັງສັງຄົມເພື່ອພັດທະນາ ແລະ ສຳຄັນທີ່ສຸດແມ່ນປະຊາຊົນຕ້ອງເປັນເຈົ້າການ, ຈາກການຕິດຕາມກວດກາ, ການປະຕິບັດ ແລະ ຄຸ້ມຄອງ... ຈຶ່ງບັນລຸໄດ້ໝາກຜົນທີ່ໝັ້ນຄົງ.
ແລະກໍໃນການຢ້ຽມຢາມແຂວງ ກວາງຈິ້, ທ່ານປະທານປະເທດ ເຈືອງເຕີນຊາງ ໄດ້ໄປຖະຫວາຍທູບຖຽນຢູ່ສຸສານນັກຮົບທີເສຍສະຫຼະຊີວິດເພື່ອຊາດ ເຈື່ອງເຊີນ, ສູນສານນັກຮົບທີເສຍສະຫຼະຊີວິດເພື່ອຊາດແຫ່ງຊາດ ເສັ້ນທາງເລກ 9, ອານຸສາວະລີກຳແພງເກົ່າ ກວາງຈິ້ ແລະ ເຂດອານຸສອນສະຖານອະດີດເລຂາທິການໃຫຍ່ ເລຢວນ.