ທ່ານປະທານາທິບໍດີ ລັດເຊຍ V.Putin ກ່າວສານສະຫະພັນປີ 2020 (ພາບ:  AFP/TTXVN)

        ກ່ຽວກັບບັນດາຂົງເຂດຊີວິດການເປັນຢູ່, ທ່ານ Putin ເນັ້ນໜັກວ່າ ໃນຊຸມປີຈະມາເຖິງ, ຈະເພີ່ມເງິນເດືອນໃຫ້ແກ່ຄູອາຈານ, ເພີ່ມງົບປະມານໜ້ອຍໜຶ່ງໃຫ້ບັນດາມະຫາວິທະຍາໄລ; ໄພເງິນເຟີ້ພວມຢູ່ໃນລະດັບຕ່ຳ, ການເຕີບໂຕຂອງການລົງທຶນໃນແຕ່ລະປີບັນລຸຢ່າງໜ້ອຍສຸດແມ່ນ 5 % ເພື່ອໃຫ້ລະດັບການເຕີບໂຕ GDP ປີ 2021 ສູງກ່ວາລະດັບປານກາງຂອງໂລກ. ພ້ອມກັນນັ້ນ, ລັດເຊຍ ຈະໜູນຊ່ວຍບັນດາເຕັກໂນໂລຊີກຳນົດອະນາຄົດ ເພື່ອບັນລຸໄດ້ບາດກ້າວບຸກທະລຸ.

        ກ່ຽວກັບບັນຫາການຕ່າງປະເທດ, ທ່ານປະທານາທິບໍດີ Putin ຊີ້ແຈ້ງວ່າ ລັດເຊຍ ພ້ອມແລ້ວທີ່ຈະເພີ່ມທະວີການຮ່ວມມືກັບບັນດາຄູ່ຮ່ວມມືທີ່ມີຄວາມສົນໃຈທັງໝົດ. ທ່ານໃຫ້ຮູ້ວ່າ: ຄວາມສາມາດໃນການປ້ອງກັນຂອງ ລັດເຊຍ ແມ່ນໄດ້ຮັບການຮັບປະກັນມາແຕ່ທົດສະວັດກ່ອນແລ້ວ ແຕ່ວ່າ ລັດເຊຍ ຍັງຕ້ອງການພັດທະນາບັນດາອາວຸດ ແລະ ລະບົບປ້ອງກັນໃນອະນາຄົດ.