ທ່ານພົນເອກ ໂຕເລິມ, ລັດຖະມົນຕີກະຊວງຕຳຫຼວດ ຫວຽດນາມ ແລະ ທ່ານ ພົນໂທ ກົງທອງ ພົງວິຈິດ, ຮອງລັດຖະມົນຕີກະຊວງປ້ອງກັນຄວາມສະຫງົບ ລາວ

ຕອນບ່າຍວັນທີ 17 ມີນາ, ຢູ່ຮ່າໂນ້ຍ, ກ່າວຄຳເຫັນທີ່ການຕ້ອນຮັບທ່ານ ພົນໂທ ກົງທອງ ພົງວິຈິດ, ຮອງລັດຖະມົນຕີກະຊວງປ້ອງກັນຄວາມສະຫງົບ ລາວ ທີ່ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ, ທ່ານພົນເອກ ໂຕເລິມ, ລັດຖະມົນຕີກະຊວງຕຳຫຼວດ ຫວຽດນາມ ເນັ້ນໜັກວ່າ: ກະຊວງຕຳຫຼວດ ຫວຽດນາມ ມີຄວາມຫວັງພ້ອມກັບກະຊວງປ້ອງກັນຄວາມສະຫງົບລາວ ຮັກສາຄວາມເປັນເອກະລາດ, ເປັນເຈົ້າຕົນເອງ, ຮັກສາສະຖຽນລະພາບດ້ານການເມືອງ, ການພົວພັນກັບບັນດາປະເທດ, ບໍ່ປະໃຫ້ບັນດາກຳລັງຕ່າງປະເທດສວຍໃຊ້ປະເທດນີ້ກໍ່ຜົນເສຍຫາຍຕໍ່ຄວາມໝັ້ນຄົງ, ສະຖຽນລະພາບຂອງປະເທດນັ້ນ ແລະ ກໍ່ຄວາມແບ່ງແຍກການພົວພັນສອງປະເທດ, ທ່ານສະເໜີໃຫ້ ລາວ ແບ່ງປັນ ແລະ ສະໜັບສະໜູນ ຫວຽດນາມ ໃນການແກ້ໄຂບັນດາບັນຫາທີ່ກ່ຽວຂ້ອງເຖິງຜົນປະໂຫຍດດ້ານຍຸດທະສາດ, ຢັ້ງຢືນວ່າ ກະຊວງຕຳຫຼວດ ຫວຽດນາມ ພ້ອມແລ້ວທີ່ຈະໜູນຊ່ວຍລາວໃນການຮັບປະກັນຄວາມໝັ້ນຄົງຄວາມເປັນລະບຽບຮຽບຮ້ອຍ ໃນປີທີ່ລາວ ຮັບດຳລົງຕຳແໜ່ງເປັນປະທານອາຊຽນ 2024. ທ່ານລັດຖະມົນຕີ ໂຕເລິມ ກໍ່ສະເໜີໃຫ້ກຳລັງປ້ອງກັນຄວາມສະຫງົບສອງປະເທດ ຮັກສາການພົວພັນ, ສືບຕໍ່ເອົາໃຈໃສ່ເຖິງການຮັບປະກັນຄວາມໝັ້ນຄົງ, ຄວາມປອດໄພ ແລະ ຜົນປະໂຫຍດຂອງວິສາຫະກິດ, ປະຊາຄົມຊາວຫວຽດນາມ ອາໄສຢູ່ລາວ, ຊຸກຍູ້ການຮ່ວມມືໃນການໄຈ້ແຍກ, ຕີລາຄາສະພາບການ, ເປັນເສນາທິການຍຸດທະສາດເພື່ອແກ້ໄຂບັນດາຄວາມສ່ຽງ, ສິ່ງທ້າທາຍທີ່ນາບຂູ່ເຖິງຄວາມໝັ້ນຄົງ, ຜົນປະໂຫຍດລວມຂອງສອງປະເທດ.