ລັດຖະມົນຕີບັນດາປະເທດ ອາຊຽນ + 3ຢູ່ເທື່ອທຽນເຫ້ວ
(ພາບປະກອບຈາກ TTXVN)
(vovworld) – ຕອນເຊົ້າວັນທີ 21/4, ທ່ານ ເລຮ່ວາງກວນ, ປະທານຄະນະກຳມະການປະຊາຊົນນະຄອນ ໂຮຈີ໋ມິນ ຕ້ອນຮັບທ່ານ ທາຍອູ, ລັດຖະມົນຕີກະຊວງວັດທະນະທຳ ຈີນ, ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານ ເລຮ່ວາງກວນ ຖືວ່າການຢ້ຽມຢາມຂອງຄະນະຜູ້ແທນ ຈີນ ຄັ້ງນີ້ແມ່ນປະກອບສ່ວນເພີ່ມທະວີນຳ້ໃຈມິດຕະພາບ, ການພົວພັນຮ່ວມມືຫຼາຍດ້ານລະຫວ່າງສອງປະເທດ.
ກ່ຽວກັບສາຍພົວພັນຮ່ວມມືລະຫວ່າງນະຄອນ ໂຮ່ຈີ໋ມິນ ກັບບັນດາຄູ່ຮ່ວມມື ຈີນ, ທ່ານ ເລຮ່ວາງກວນ ໃຫ້ຮູ້ວ່າ: ປະຈຸບັນນີ້, ນະຄອນ ໂຮ່ຈີ໋ມິນ ແມ່ນທ້ອງຖິ່ນໜຶ່ງຂອງ ຫວຽດນາມ ທີ່ມີສາຍພົວພັນຮ່ວມມືກັບຫຼາຍທ້ອງຖິ່ນຂອງ ຈີນ ຄື: ຊຽງໄຮ້, ກວາງເຈົາ, ກວາງຕຸງ, ຈາງຊີ, ເຈື້ອຈາງ. ຢູ່ນະຄອນ ໂຮ່ຈີ໋ມິນ, ມີປະມານ 130 ໂຄງການດ້ວຍຍອດຈຳນວນທຶນເກືອບ 300ລ້ານ USD ຂອງບັນດານັກລົງທຶນ ຈີນ. ສ່ວນທ່ານ ທາຍອູ ກໍ່ຕີລາຄາສູງເລື່ອງ ຫວຽດນາມ ຈັດຕັ້ງບັນດາການເຄື່ອນໄຫວທີ່ກອງປະຊູມລັດຖະມົນຕີວັດທະນະທຳບັນດາປະເທດ ອາຊຽນ ແລະ ບັນດາຄູ່ຮ່ວມມືຢູ່ແຂວງ ເທື່ອທຽນເຫ້ວ ໃນໄລຍະຜ່ານມາສຳເລັດຜົນ. ຕາມທ່ານ ທາຍອູ ແລ້ວ, ເລື່ອງເພີ່ມທະວີການພົບປະແລກປ່ຽນວັດທະນະທຳນັບມື້ນັບມີຄຸນປະໂຫຍດອັນສຳຄັນ, ປະກອບສ່ວນຊຸກຍູ້ການຮ່ວມມືດ້ານວັດທະນະທຳ, ເຮັດໃຫ້ໄວໜຸ່ມເຂົ້າໃຈຕື່ມອີກກ່ຽວກັບວັດທະນະທຳຂອງແຕ່ລະປະເທດ.