ທ່ານຮອງນາຍົກລັດຖະມົນຕີ ຫວຽດນາມ ເວືອງດີງເຫວ້
(vovworld) – ຕອນເຊົ້າວັນທີ 16/06 ທ່ານຮອງນາຍົກລັດຖະມົນຕີ ຫວຽດນາມ ເວືອງດີງເຫວ້ ໄດ້ໃຫ້ການຕ້ອນຮັບຄະນະຜູ້ແທນອົງການຮ່ວມມືສາກົນ ຍີ່ປຸ່ນ (JICA) ໂດຍທ່ານຮອງປະທານ Kenichi Tomiyoshi ນຳໜ້າ. ທີ່ການເຮັດວຽກ ທ່ານຮອງນາຍົກລັດຖະມົນຕີ ເວືອງ ດີງເຫວ້ ໃຫ້ຮູ້ວ່າ: ມະຕິກອງປະຊຸມໃຫຍ່ພັກກອມມູນິດ ຫວຽດນາມ ຄັ້ງທີ 12 ແລະ ມະຕິຂອງສະພາແຫ່ງຊາດ ຫວຽດນາມ ໄດ້ວາງໜ້າທີ່ຈຸດສຸມໃນໄລຍະ 5 ປີຈະມາເຖິງ ແມ່ນສ້າງໂຄງປະກອບພື້ນຖານເສດຖະກິດຄືນໃໝ່ຕິດພັນກັບການຫັນປ່ຽນຮູບແບບເຕີບໂຕ, ໃນນັ້ນ ສຸມໃສ່ເຂົ້າໃນບັນດາໜ້າທີ່ສ້າງໂຄງປະກອບລັດວິສາຫະກິດຄືນໃໝ່, ລະບົບບັນດາທະນາຄານການຄ້າ, ແກ້ໄຂໜີ້ເສຍຢ່າງມີປະສິດທິຜົນ, ສ້າງໂຄງປະກອບລາຍຮັບ - ລາຍຈ່າຍງົບປະມານ ແລະ ຮັບປະກັນຄວາມປອດໄພໜີ້ສາທາລະນະ. ຕາງໜ້າໃຫ້ລັດຖະບານ ຫວຽດນາມ ທ່ານຮອງນາຍົກລັດຖະມົນຕີ ຕີລາຄາສູງບັນດາການຄົ້ນຄວ້າຂອງ JICA ທີ່ກ່ຽວຂ້ອງເຖິງ 2 ຂົງເຂດສຳຄັນທີ່ສຸດສຳລັບ ຫວຽດນາມ ແມ່ນສ້າງໂຄງປະກອບລັດວິສາຫະກິດຄືນໃໝ່ ແລະ ຂອບເຂດທະນາຄານໃນໄລຍະຜ່ານມາ, ຖືນີ້ແມ່ນບັນດາການໜູນຊ່ວຍ, ໃຫ້ຄຳປຶກສາດ້ານນະໂຍບາຍທີ່ສຳຄັນເພື່ອໃຫ້ ຫວຽດນາມ ປະຕິບັດສຳເລັດໜ້າທີ່ດັ່ງກ່າວ.
ສ່ວນຝ່າຍ JICA ທ່ານ Kenichi Tomiyoshi ຍົກອອກບັນດາຂໍ້ສະເໜີແນະມີລັກສະນະລະບົບ, ພື້ນຖານສຳລັບການປະຕິບັດສ້າງໂຄງປະກອບລັດວິສາຫະກິດຄືນໃໝ່ ກໍ່ຄືແກ້ໄຂໜີ້ເສຍ ແລະ ບັນດາທະນາຄານການຄ້າອ່ອນດ້ອຍຂອງ ຫວຽດນາມ ໄລຍະ 2016 – 2020.