ທ່ານ ເຈີ່ນແທງເໝີ້ນ, ຮອງປະທານຜູ້ປະຈຳການສະພາແຫ່ງຊາດ ມອບຂອງຂວັນໃຫ້ຜູ້ປະສົບເຄາະຮ້າຍຈາກທາດພິດສີສົ້ມຢູ່ ນະຄອນ ແຣັກຢ໊າ

ຕອນບ່າຍ ວັນທີ 23 ມັງກອນ, ທ່ານ ເຈີ່ນແທງເໝີ້ນ, ຮອງປະທານຜູ້ປະຈຳການສະພາແຫ່ງຊາດ ໄດ້ໄປຢ້ຽມຢາມ, ອວຍພອນບຸນເຕັດ ແລະ ມອບຂອງຂວັນໃຫ້ບັນດາຄອບຄົວນະໂຍບາຍ, ຄອບຄົວປະສົບກັບຄວາມຫຍຸ້ງຍາກຢູ່ແຂວງ ກຽນຢາງ. ທ່ານຮອງປະທານ ຜູ້ປະຈຳການ ສະພາແຫ່ງຊາດ ຫວຽດນາມ ເຈີ່ນແທງເໝີ້ນ ມອບຂອງຂວັນ ຈຳນວນ 100 ພູດ ແລະ ເຮືອນແຫ່ງຄວາມມະຫາສາມັກຄີ 5 ຫຼັງໃຫ້ແກ່ປະຊາຊົນທີ່ປະສົບກັບຄວາມຫຍຸ້ງຍາກ ແລະ ຜູ້ປະສົບເຄາະຮ້າຍຈາກທາດພິດສີສົ້ມຢູ່ນະຄອນ ແຣັກຢ້າ, ມອບຂອງຂວັນຈຳນວນ 100 ພູດໃຫ້ຊາວຜູ້ອອກງານຢູ່ເຂດອຸດສາຫະກຳ ແທງລົກ.

ເນື່ອງໃນໂອກາດນີ້, ຄະນະຍັງໄດ້ໄປຢ້ຽມຢາມພະນັກງານທີ່ເປັນອະດີດການນຳແຂວງ ກຽນຢາງ ໃນແຕ່ລະສະໄໝ; ຢ້ຽມຢາມ ແລະ ອວຍພອນບຸນເຕັດ ບັນດາທະຫານປ້ອງກັນຊາຍແດນ ແຂວງ ກຽນຢາງ, ທ່ານຮອງປະທານຜູ້ປະຈຳການ ສະພາແຫ່ງຊາດ ຫວຽດນາມ ເຈີ່ນແທັງເໝີ້ນ ສະເໜີວ່າ:

“ຂ້າພະເຈົ້າຫວັງວ່າ ການນຳແຂວງ, ທະຫານປ້ອງກັນຊາຍແດນ ຈະເອົາໃຈໃສ່ເພີ່ມທະວີຄວາມສາມັກຄີກັບປະຊາຊົນຢູ່ທ້ອງຖິ່ນ ເຊິ່ງບ່ອນໃດມີທະຫານ, ບ່ອນນັ້ນແມ່ນບ່ອນທີ່ປະຊາຊົນ ມີຄວາມໄວ້ເນື້ອເຊື່ອໃຈ. ຢູ່ໃຫ້ປະຊາຊົນຮັກແພງ, ໄປໃຫ້ປະຊາຊົນຄິດຮອດ, ຕ້ອງເຮັດວຽກງານມະຫາຊົນຕໍ່ກັບປະຊາຊົນ ຢູ່ຖິ່ນຖານທີ່ຕົນເອງດຳລົງຊີວິດໃຫ້ເປັນຢ່າງດີ.”