(ທ່ານເລຂາທິການໃຫຍ່ຫງວຽນຝູຈ້ອງ ຕ້ອນຮັບປະທານພັກກຳມະກອນຮູງກາຣີ)

ທ່ານເລຂາທິການໃຫຍ່ ຫງວຽນຝູຈ້ອງ ຊີ້ແຈ້ງວ່າ: ການຢ້ຽມຢາມຮູງກາຣີ ຄັ້ງນີ້ຂອງຄະນະແມ່ນເພື່ອແນໃສ່ເພີ່ມທະວີການພົວພັນມິດຕະພາບທີ່ເປັນມູນເຊື້ອ, ຍົກລະດັບການພົວພັນເປັນຄູ່ຮ່ວມມືຮອບດ້ານ. ທ່ານເລຂາທິການໃຫຍ່ ຫງວຽນຝູຈ້ອງ ຢືນຢັນແຜນນະໂຍບາຍ, ແນວທາງສະເໝີຕົ້ນສະເໝີປາຍຂອງພັກກອມມູນິດຫວຽດນາມ ໃນການພົວພັນກັບພັກກຳມະກອນຮູງກາຣີ; ປາດຖະໜາວ່າ ໃນໄລຍະຈະມາເຖິງພັກກອມມູນິດຫວຽດນາມ ແລະ ພັກກຳມະກອນຮູງກາຣີ ເພີ່ມທະວີການແລກປ່ຽນຄະນະຜູ້ແທນມາຢ້ຽມຢາມເຊິ່ງກັນ ແລະ ກັນ ເພື່ອພ້ອມກັນແລກປ່ຽນຂໍ້ມູນຂ່າວສານ, ບົດຮຽນໃນການເຄື່ອນໄຫວ.

        ສ່ວນທ່ານປະທານພັກກຳມະກອນຮູງກາຣີ Thurmer Gyulat ເນັ້ນໜັກວ່າ ຍາມໃດກໍ່ສະໜັບສະໜູນການເພີ່ມທະວີການພົວພັນລະຫວ່າງຮູງກາຣີ ແລະ ຫວຽດນາມ. ນີ້ແມ່ນທັດສະນະສະເໝີຕົ້ນສະເໝີປາຍຂອງພັກກຳມະກອນຮູງກາຣີ.

  ຕອນບ່າຍວັນທີ 11 ກັນຍາ, ທ່ານເລຂາທິການໃຫຍ່ ຫງວຽນຝຸຈ້ອງ ແລະຄະນະຜູ້ແທນຂັ້ນສູງ ຫວຽດນາມ ໄດ້ອອກຈາກນະຄອນຫຼວງ Budapest ສິ້ນສຸດການຢ້ຽມຢາມ ຮຸງກາຣີ ຢ່າງເປັນທາງການ.