ທ່ານ ພົນໂທ ໂຕເລີມ ແລະ ທ່ານ Benjamin Netanyahu
|
(vovworld)- ໃນຂອບເຂດການຢ້ຽມຢາມອິດສະລາແອນ ໃນລະຫວ່າງ ວັນທີ 13-15/11, ຄະນະຜ້ແທນຂັ້ນສູງກະຊວງຕຳຫຼວດຫວຽດນາມ ໂດຍ ທ່ານ ພົນໂທ ໂຕເລີມ, ລັດຖະມົນຕີກະຊວງຕຳຫຼວດ, ນຳໜ້າ, ໄດ້ເຂົ້າຢ້ຽມຄຳນັບ ທ່ານ Benjamin Netanyahu ນາຍົກລັດຖະມົນຕີອິດສະລາແອນ. ທ່ານ ນາຍົກລັດຖະມົນຕີ Benjamin Netanyahu ຢືນຢັນວ່າ: ການຢ້ຽມຢາມ ຈະປະກອບສ່ວນປັບປຸງ ແລະ ຊຸກຍູ້ການພົວພັນຮ່ວມມືມິດຕະພາບ ລະຫວ່າງ ລັດຖະບານ ແລະ ປະຊາຊົນສອງປະເທດ ເວົ້າລວມ, ລະຫວ່າງ ສະພາປ້ອງກັນຄວາມສະຫງົບ, ກະຊວງຕຳຫຼວດ, ກະຊວງປ້ອງກັນປະເທດ ແລະ ບັນດາອົງການທີ່ກ່ຽວຂ້ອງອິດສະລາແອນ ກັບກະຊວງຕຳຫຼວດຫວຽດນາມ ເວົ້າສະເພາະ. ທ່ານ ນາຍົກລັດຖະມົນຕີ Benjamin Netanyahu ຕີລາຄາສູງການພົວພັນຮ່ວມມື ລະຫວ່າງ ອິດສະລາແອນ ແລະ ຫວຽດນາມ, ພ້ອມທັງສະແດງຄວາມເພິ່ງພໍໃຈ ຕໍ່ ໝາກຜົນການພົບປະເຈລະຈາ ລະຫວ່າງ ບັນດາອົງການທີ່ກ່ຽວຂ້ອງອິດສະລາແອນ ກັບກະຊວງຕຳຫຼວດຫວຽດນາມ ແລະ ເຫັນດີເປັນເອກະພາບ ກັບບັນດາເນື້ອໃນການຮ່ວມມື ລະຫວ່າງ ສອງຝ່າຍ ໃນໄລຍະຈະມາເຖິງ. ທ່ານ ນາຍົກລັດຖະມົນຕີ Benjamin Netanyahu ຖືວ່າ ສອງຝ່າຍຈະຊຸກຍູ້ກົນໄກເຈລະຈາປະຈຳປີເປັນປະຈຳ ໂດຍໄວ ລະຫວ່າງ ກະຊວງຕຳຫຼວດ, ສະພາປ້ອງກັນຄວາມສະຫງົບແຫ່ງຊາດອິດສະລາແອນ ກັບກະຊວງຕຳຫຼວດຫວຽດນາມ ແລະ ສ້າງກອບນິຕິກຳ ເພື່ອກ້າວໄປເຖິງການເຊັນສັນຍາຮ່ວມມື ກ່ຽວກັບແຮງງານ, ມອບສົ່ງຕົວຜູ້ຖືກຕັດສິນລົງໂທດຈຳຄຸກ, ສົ່ງຜູ້ຮ້າຍຂ້າມແດນ.
ໃນວັນດຽວກັນ, ທີ່ການພົບປະເຈລະຈາ ກັບທ່ານ Jacob Nagel ຜູ້ຮັກສາການປະທານສະພາປ້ອງກັນຄວາມສະຫງົບແຫ່ງຊາດອິດສະລາແອນ, ສອງຝ່າຍເຫັນດີເປັນເອກະພາບ ເພີ່ມທະວີການຮ່ວມມືໃນຂົງເຂດຕ່າງໆ, ເປັນຕົ້ນແມ່ນໃນການຕໍ່ສູ້ ປ້ອງກັນຕ້ານອາດຊະຍາກຳຂ້າມຊາດ, ການກໍ່ການຮ້າຍສາກົນ, ເພື່ອແນໃສ່ປະກອບສ່ວນຮັບປະກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍ ຂອງແຕ່ລະປະເທດ. ສອງຝ່າຍກໍ່ປາດຖະໜາຢາກເພີ່ມທະວີການພົວພັນຮ່ວມມື ລະຫວ່າງ ບັນດາຫົວໜ່ວຍວິຊາການຜ່ານກົນໄກການຮ່ວມມື ທີ່ໄດ້ສ້າງຕັ້ງ, ເພີ່ມທະວີການຮ່ວມມືຜ່ານທາງ Interpol, ສົມທົບກັນສືບສວນສອບສວນ, ຕາມລ່າ ແລະ ປ້ອງກັນ, ຕ້ານອາດຊະຍາກຳເສດຖະກິດ, ຟອກເງິນສາກົນ ແລະ ອາດຊະຍາກຳທີ່ມີການຈັດຕັ້ງ, ຂ້າມຊາດ.