(vovworld) – ເມື່ອຕອບສຳພາດຕໍ່ໜັກຂ່າວ ສຳນັກຂ່າວສານຫວຽດນາມ ປະຈຳ New Delhi ກ່ຽວກັບຄວາມສາມາດຮ່ວມມືດ້ານເສດຖະກິດລະຫວ່າງອິນເດຍ ແລະ ຫວຽດນາມ, ທ່ານ Jadeva Ranade, ປະທານສູນໄຈ້ແຍກ ແລະ ຍຸດທະສາດຈີນ (CCAS) ຂອງອິນເດຍ ໄດ້ໃຫ້ຂໍ້ສັງເກດວ່າ ເມື່ອດຳເນີນການຫັນເສດຖະກິດເປັນເສລີ ປີ 1986, ຫວຽດນາມ ບັນລຸໄດ້ລະດັບເຕີບໂຕ GDP ຄິດສະເລ່ຍ 6,3% ໃນໄລຍະ 2 ທົດສະວັດຜ່ານມາ. ນະໂຍບາຍເສດຖະກິດໃໝ່, ດ້ວຍຊື່ວ່າ “ປ່ຽນໃໝ່” ຄືການສົ່ງເສີມການເຊື່ອມຕໍ່ສຳລັບພື້ນຖານເສດຖະກິດຫວຽດນາມ, ຊ່ວຍໃຫ້ຫວຽດນາມ ບັນລຸອັດຕາການເຕີບໂຕສູງອັນດັບ 2 ຢູ່ອາຊີ, ຖັດຈາກຈີນ.
ຕາມທ່ານ Ranade ແລ້ວ, ການຫັນປ່ຽນຈາກເສດຖະກິດລວມສູນ ໄປສູ່ເສດຖະກິດຕາມທິດຕະຫຼາດ ໄດ້ສ້າງບັນດາກາລະໂອກາດດີກວ່າໃຫ້ແກ່ນັກລົງທຶນຕ່າງປະເທດ ເມື່ອລົງທຶນເຂົ້າຫວຽດນາມ. ການເຕີບໂຕຢ່າງຕໍ່ເນື່ອງຂອງພື້ນຖານເສດຖະກິດຫວຽດນາມ ພ້ອມກັບບັນດາປັດໃຈໜູນຊ່ວຍອື່ນ ໄດ້ຊ່ວຍໃຫ້ຫວຽດນາມ ກາຍເປັນຈຸດດຶງດູດການລົງທຶນ. ທ່ານ Ranade ຖືວ່າ, ເພື່ອສືບຕໍ່ຮັກສາທ່າເຕີບໂຕ ແລະ ສ້າງເງື່ອນໄຂສະດວກໃຫ້ການດຶງດູດເງິນລົງທຶນຕ່າງປະເທດ, ຫວຽດນາມ ຕ້ອງປັບປຸງພື້ນຖານໂຄງລ່າງ, ລົບລ້າງຮົ້ວກີດຂວາງດ້ານພາສີ ແລະ ປອດໄພສີບາງຢ່າງ, ປັບປຸງດ້ານທັກສະໃຫ້ກຳລັງຄົນງານຜ່ານການບຳລຸງສ້າງຄວາມສາມາດວິຊາຊີບ. ມາຮອດປະຈຸບັນ, ຄວາມສາມາດບົມຊ້ອນໃນການຮ່ວມມືດ້ານເສດຖະກິດລະຫວ່າງຫວຽດນາມ - ອິນເດຍ ຍັງໃຫຍ່ຫຼວງຢູ່ ແລະ ບໍ່ທັນໄດ້ຮັບການຂຸດຂົ້ນໃຫ້ໝົດເທື່ອ. ການຢ້ຽມຢາມຂອງທ່ານນາຍົກລັດຖະມົນຕີ ຫງວຽນເຕີນຢຸງ ແລະ ຄະນະຜູ້ແທນວິສາຫະກິດໃຫຍ່ຂອງຫວຽດນາມ ຢ້ຽມຢາມອິນເດຍ ເມື່ອເດືອນ 10 ຜ່ານມາ ໄດ້ສຸມໃສ່ການຮ່ວມມືດ້ານເສດຖະກິດ, ພ້ອມກັບການຊຸກຍູ້ການພົວພັນຍຸດທະສາດ.
ຫວ່າງແລ້ວນີ້, ອິນເດຍ ແລະ ອາຊຽນ ໄດ້ລົງນາມໃນສັນຍາການຄ້າເສລີ (FTA) ກ່ຽວກັບການບໍລິການ ແລະ ເມື່ອສັນຍາດັ່ງກ່າວເລີ່ມປະຕິບັດ ຈະສ້າງທ່າແຮງໃນການພົວພັນຮ່ວມມືດ້ານເສດຖະກິດລະຫວ່າງອິນເດຍ ແລະ ຫວຽດນາມ ຍິ່ງກວ່າອີກ.