 ພາບປະກອບຈາກ ດືກແອງ/VOV5
|
(vovworld) - ເວລາ 11 ໂມງ 30 ນາທີ, ວັນທີ 30/4/1975, ຄັນທຸງປົດປ່ອຍໄດ້ປີວສະບັດເທິງຫຼັງຄາທຳນຽບ ເອກະລາດ, ເປັນຂີດໝາຍໄຊຊະນະຂອງການບຸກໂຈມຕີຂະໜາດໃຫຍ່ ແລະ ລຸກຮຶ້ຂຶ້ນຍາມລະດູບານໃໝ່ 1975 ຂອງກອງທັບ ແລະ ປະຊາຊົນ ຫວຽດນາມ. ຫວນຄືນຈຸດເວລາປະຫວັດສາດ ເມື່ອໄຊງ່ອນໄດ້ຮັບການປົດປ່ອຍ, ປະເທດຊາດເປັນເອກະລາດຢ່າງສົມບຸນ, ນັກຂ່າວ ເຈິ່ນມາຍແຫ້ງ, ຜູ້ທີ່ໄດ້ເຂົ້າຮ່ວມບັ້ນຮົບ ໂຮ່ຈີມິນ, ມີໜ້າ ແລະ ເຫັນປະຈັກຕາຄັນທຸງຂອງທະຫານປົດປ່ອຍ ຖືກຊັກຂຶ້ນເທິງເສົາທຸງສູງສຸດຂອງທຳນຽບ ເອກະລາດ, ແບ່ງປັນວ່າ:
“ຮູບພາບທຳນຽບ ເອກະລາດ ເວລານັ້ນໃຫຍ່ໂຕໂອໂຖງ ແລະ ສວຍງາມທີ່ສຸດ. ບັນດາລົດຕັງຂອງທະຫານປົດປ່ອຍເມື່ອມາຮອດແຫງນີ້ລ້ວນແຕ່ປິ່ນເລົາປືນອອກນອກເພື່ອປົກປ້ອງທຳນຽບ. ຢູ່ນອກພໍ່ແມ່ປະຊາຊົນໄດ້ມາເຕົ້າໂຮມກັບຢ່າງຫຼວງຫຼາຍ. ໃນເດີນທຳນຽບ, ບັນດານາຍພົນທະຫານ ສາທາລະນະລັດ ຫວຽດນາມ ຍອມຈຳນົນພວມນັ່ງເຫງົາຊົກລ້າໆ. ສ່ວນບັນດານັກຮົບປົດປ່ອຍຟ້າວຟັ່ງກັບວຽກງານຕ່າງໆ“.
ນັກຂ່າວ ເຈິ່ນມາຍແຫ້ງ ແມ່ນນັກຂ່າວຜູ້ທຳອິດຂອງ ຫວຽດນາມ ທີ່ໄດ້ຂຽນບົດບັນທຶກກ່ຽວກັບໄຊຊະນະຢູ່ທຳນຽບ ເອກະລາດ ໃນຕອນທ່ຽງວັນທີ 30/4/1975. ບົດບັນທຶກນີ້ຖືກລົງພິມໃນໃບຂ່າວຕໍ່ສູ້ເພື່ອເອກະພາບຂອງ ສຳນັກຂ່າວສານຫວຽດນາມແລະໄດ້ອອກອາກາດທາງວິທະຍຸກະຈາຍສຽງ ຫວຽດນາມໃນວັນທີ 1//5/1975 ແລະ ລົງພິມໃນໜັງສືພິມ ຍິນເຢີນ (ປະຊາຊົນ) ສະບັບພິເສດໃນວັນທີ 2//5/1975 ອີກ.
ນັກຂ່າວ ເຈິ່ນມາຍແຫ້ງເວົ້າຄວາມໃນໃຈສູ່ຟັງວ່າໃນສົງຄາມ, ໄດ້ເຫັນປະຈັກຕາຈຸດເວລາປະຫວັດສາດທີ່ຍິ່ງໃຫຍ່ຂອງປະເທດແມ່ນສິ່ງໂຊກດີທີ່ສຸດ. ຍ້ອນເຫດນັ້ນ, ທ່ານຈຶ່ງຂຽນ ແລະ ສະເໜີນະວະນິຍາຍເອກະສານປະຫວັດສາດ “ບົດບັນທຶກສົງຄາມ 1-2-3-4.75“ . ປື້ມຫົວນີ້ໄດ້ວາດພາບຊຸມວັນລົ້ມລະລາຍສຸດທ້າຍຂອງກຳລັງທະຫານສາທາລະນະລັດ ຫວຽດນາມຢ່າງຊື່ຕົງ.