(vovworld) - ວັນທີ 28/11, ທີ່ການຕ້ອນຮັບຄະນະຜູ້ແທນສະຫະພັນອຳນາດການປົກຄອງເຂດ Kansai, ຍີ່ປຸ່ນ ໂດຍທ່ານ Ido Toshizo, ຜູ້ວ່າການແຂວງ Hyogo ນຳໜ້າ ພວມຢ້ຽມຢາມ ແລະ ເຮັດວຽກຢູ່ຫວຽດນາມ, ທ່ານປະທານຄະນະກຳມະການປະຊາຊົນນະຄອນໂຮ່ຈິມິນ ເລຮ່ວາງກວນ ໃຫ້ຮູ້ວ່າ, ນະຄອນໂຮ່ຈິມິນ ປາດຖະໜາຢາກເພີ່ມທະວີການຮ່ວມມືດ້ານການທ່ອງທ່ຽວກັບເຂດ Kansai ເວົ້າສະເພາະ ແລະ ຍີ່ປຸ່ນເວົ້າລວມ. ນັບແຕ່ເມື່ອ 2 ປະເທດຍົກລະດັບການພົວພັນເປັນຄູ່ຮ່ວມມືຍຸດທະສາດ ເພື່ອສັນຕິພາບ ແລະ ວັດທະນາຖາວອນຢູ່ອາຊີ, ການພົວພັນລະຫວ່າງຫວຽດນາມ - ຍີ່ປຸ່ນ ກໍຄືນະຄອນໂຮ່ຈິມິນກັບບັນດາທ້ອງຖິ່ນຍີ່ປຸ່ນ ລ້ວນແຕ່ພັດທະນາຢ່າງຕັ້ງໜ້າໃນທຸກຂົງເຂດ. ທ່ານ ເລຮ່ວາງກວນ ປາດຖະໜາວ່າ, ໃນໄລຍະຈະມາເຖິງ ຈະມີນັກທ່ອງທ່ຽວເຂດ Kansai ມາຢ້ຽມຢາມນະຄອນໂຮ່ຈິມິນ ຫຼາຍກວ່າອີກ.