ນາຍົກລັດຖະມົນຕີຫງວຽນເຕີ້ນຢຸງ ຕ້ອນຮັບຮອງນາຍົກລັດຖະມົນຕີແບນຊິກ
ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ຕ້ອນຮັບ ທ່ານຮອງນາຍົກລັດຖະມົນຕີ ລາຊະອານາຈັກແບນຊິກ Johan Vande Lanotte (ພາບ : TTXVN)
|
(vovworld)- ຕອນບ່າຍວັນທີ 20/1, ຢູ່ຮ່າໂນ້ຍ, ໃນການຕ້ອນຮັບທ່ານຮອງນາຍົກລັດຖະມົນຕີ ລາຊະອານາຈັກແບນຊິກ Johan Vande Lanotte ຊຶ່ງພວຢ້ຽມຢາມ ແລະ ເຮັດວຽກຢູ່ຫວຽດນາມ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ເນັ້ນໜັກວ່າ ປີນີ້ ຫວຽດນາມ ແລະ ແບນຊິກຈັດຕັ້ງສະເຫຼີມສະຫຼອງ 40 ປີແຫ່ງວັນສ້າງຕັ້ງການພົວພັນທາງການທູດ, ນີ້ແມ່ນຫຼັກໝາຍສຳຄັນໃນການພົວພັນລະຫວ່າງ 2 ປະເທດ. ຫວຽດນາມ ຫວັງຢາກພ້ອມກັບແບນຊິກຍູ້ແຮງການຮ່ວມມືດ້ານເສດຖະກິດ, ການຄ້າ, ການລົງທຶນ, ທຶນ ODA , ກໍຄືສະໜັບສະໜູນກັນໃນເວທີ່ສາກົນ. ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸງຢືນຢັນວ່າ ລັດຖະບານຫວຽດນາມ ຈະສ້າງທຸກເງື່ອນໄຂອຳນວຍຄວາມສະດວກເພື່ອໃຫ້ບັນດານັກລົງທຶນແບນຊິກລົງທຶນຢູ່ຫວຽດນາມຢ່າງສຳເລັດຜົນ. ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ສະເໜີແບນຊິກ ຈົ່ງສະໜັບສະໜູນ ແລະ ຍູ້ໄວການເຈລະຈາສັນຍາການຄ້າເສລີລະຫວ່າງ ຫວຽດນາມ ແລະ EU ໃຫ້ສຳເລັດ ກໍຄືຮັບຮູ້ພື້ນຖານເສດຖະກິດຕະຫຼາດຂອງຫວຽດນາມ ໂດຍໄວ.