(ທ່ານນາຍົກລັດຖະມົນຕີ ຫງວຽນຊວນຟຸກ
ພົບປະກັບປະທານສະພາແຫ່ງຊາດມົງໂກນ)
(vovworld) - ໃນຂອບເຂດການຢ້ຽມຢາມມົງໂກນຢ່າງເປັນທາງການ, ຕອນເຊົ້າວັນທີ 14/07, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມີການພົບປະກັບທ່ານປະທານສະພາແຫ່ງຊາດມົງໂກນ Miyegombyn Enkhbold. ທີ່ການພົບປະ, 2 ຝ່າຍໄດ້ຢືນຢັນຄຳໝັ້ນສັນຍາເພີ່ມທະວີການຮ່ວມມືລະຫວ່າງ 2 ປະເທດໃນບັນດາບັນຫາ 2 ຝ່າຍ ແລະ ຢູ່ບັນດາເວທີປາໄສສາກົນ, ຊຸກຍູ້ການແລກປ່ຽນບົດຮຽນໃນຂົງເຂດສ້າງກົດໝາຍ ແລະ ການຕິດຕາມກວດກາ; ເຫັນດີເປັນເອກກະພາບຕໍ່ທັດສະນະກ່ຽວກັບບັນດາບັນຫາພາກພື້ນ ແລະ ສາກົນໃນໄລຍະຈະມາເຖິງ. 2 ຝ່າຍກໍ່ຖືວ່າຕ້ອງເພີ່ມທະວີການຮ່ວມມືດ້ານເສດຖະກິດ, ການຄ້າ, ຮັກສາ ບັນດາການຢ້ຽມຢາມ, ການພົບປະທຸກຂັ້ນລະຫວ່າງການນຳສະພາແຫ່ງຊາດເປັນປະຈຳ… ສ່ວນທ່ານປະທານສະພາແຫ່ງຊາດມົງໂກນ Miyegombyn Enkhbold ເນັ້ນໜັກວ່າ, ມົງໂກນ ຖືຫວຽດນາມ ແມ່ນຄູ່ຮ່ວມມືຕົ້ນຕໍ່ໃນພາກພື້ນອາຊີຕາເວັນອອກສ່ຽງໃຕ້, ຢືນຢັນວ່າ ຈະສືບຕໍ່ນະໂຍບາຍການຕ່າງປະເທດຖືເປັນສຳຄັນການພົວພັນກັບຫວຽດນາມ ໃນໄລຍະຈະມາເຖິງ.
ແລະກໍໃນຕອນເຊົ້າວັນດຽວກັນ, ທ່ານນາຍົກລັດຖະມົນຕີ ຫງວຽນຊວນຟຸກ ແລະ ຄະນະຜູ້ແທນຫວຽດນາມ ໄດ້ເຂົ້າຮ່ວມເວທີປາໄສວິສາຫະກິດຫວຽດນາມ - ມົງໂກນ. ກ່າວຄຳເຫັນຢູ່ທີ່ນີ້, ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ, ປະຈຸບັນການຮ່ວມມືດ້ານການຄ້າ ແລະ ການລົງທຶນຍັງບໍ່ທັນເໝາະສົມກັບຄວາມສາມາດບົມຊ້ອນຂອງແຕ່ລະປະເທດ, ສະນັ້ນ, ກ່ຽວກັບຝ່າຍຫວຽດນາມ, ລັດຖະບານຈະສ້າງທຸກເງື່ອນໄຂສະດວກໃຫ້ບັນດານັກລົງທຶນ, ການຄ້າ, ການທ່ອງທ່ຽວຂອງມົງໂກນ ມາລົງທຶນຢູ່ຫວຽດນາມ. ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ.
“ຫວຽດນາມ ມີສິນຄ້າທີ່ມີຊື່ສຽງຫຼາຍປະເພດ ທີ່ສາມາດສົ່ງໄປຍັງມົງໂກນ ໄດ້ຄື: ຜະລິດຕະພັນກະເສດ, ສະບຽງຫານ, ສິນໃນນ້ຳ, ໂທລະສັບມືຖື, ພິເສດແມ່ນຜັກ, ໝາກໄມ້… ແລະ ສິນຄ້າຫຼາຍປະເພດອື່ນ. ກົງກັນຂ້າມ, ຫວຽດນາມ ກໍປາດຖະໜາຢາກລົງທຶນເຂົ້າມົງໂກນ ໃນຂົງເຂດຂຸດຄົ້ນຊັບພະຍາກອນໂລຫະ, ເຕັກໂນໂລຊີ, ການທ່ອງທ່ຽວ ແລະ ບາງຂົງເຂດອື່ນໆ. ຫວຽດນາມ ແລະ ມົງໂກນ ມີຄວາມສາມາດບົມຊ້ອນຫຼາຍຢ່າງອື່ນອີກຄື ບັນດາສະບຽງອາຫານທີ່ມີຄຸນນະພາບສູງ, ຜະລິດຕະພັນຊັບພະຍາກອນໂລຫະ”.